Mozzarella

Saka Wikipédia, bauwarna bébas basa Jawa
Kèju Mozzarella

Cithakan:Infobox Cheese

Mozzarella inggih punika kèju Italia ingkang dipundamel kanthi cara diputer lan ditugel, amargi wonten ing Basa Italia, mozzare ateges nugel.[1][2] Keju punika dipundamel saking susu sapi ugi susu kerbau. Mozzarella di bufala dipundamel saking susu kerbau, déné mozzarella fior di latte dipundamel saking susu sapi ingkang dipunpasteurisasi.[3] Mozzarella seger padatanipun kanthi werna putih, ananging saged werna kuning cerah gumantung panganan sapi/kerbau ingkang dipunpendhet saking susunipun.[4] Tekstur kèju punika lembut lan mawi kadar toya ingkang inggil.[5] Padatanipun kèju ingkang dipundamel ing dinten kasebut dipundhahar ing dinten ingkang sami.[5] Sanajan mekaten kèju punika saged tahan dumugi seminggu menawi dipunkom wonten ing toya mawi sarem[6] Mozzarella mawi kadar toya ingkang andhap saged dipunsimpen wonten ing kulkas dumugi sewulan lan saged tahan langkung dangu menawi dipunsadé mawi kemasan hampa angin.[7] Mozzarella mawi kadar toya andhap ingkang sampun diparut saged dipunsimpen dumugi 6 wulan.[8] Kèju punika dipunginakaken wonten ing pizza, lasagna, utawi dipuntedhi mawi irisan tomat lan basil ing sajian insalata caprese.[9]

Sajarah[besut | besut sumber]

Mozzarella kapisan dipundamel ing celakipun Naples, Italia kanthi ngginakaken susu kerbau.[4] Kala punika kathah kerbau ing dhaérah padésan ingkang dipunginakaken kanggé ngangkut barang ugi kanggé ngluku.[10] Miturut legenda, kèju Mozzarella kapisan dipundamel kanthi boten sengaja.[4] Wonten ing ingkang nibakaken dadih dhateng ember mawi toya panas ing satunggaling pabrik kèju ing Naples lan dados kèju Mozzarella ingkang dipunmangertosi sapunika.[4] Amargi dipundamel saking susu ingkang boten dipunpasteurisasi lan dèrèng wonten lemari ès lajeng kèju punika boten saged awet lan boten saged dipunkirim marang dhaérah njawinipun Naples.[4] Nalika teknologi wiwit mekar lajeng kèju punika saged dipunkirim dhateng dhaérah-dhaérah sanèsipun ing Italia.[4]

Wujud lan tèkstur[besut | besut sumber]

Padatanipun mozzarella mawi wujud bunder kados bal, ananging kathah wujud sanèsipun saking kèju punika, kadosta "Bocconcini" (suapan), "Ciliegine" (ceri alit), "Nodini" (simpul alit), "Pizzaiola" (balok) lan "Ovoline" (tigan).[3][11] Bobot saking keju punika kirang langkung 200 dumugi 795 gram. Werna kèju punika putih porselen mawi kulit ingkang tipis lan alus.[10] Nalika kèju punika dipuntugel saged ngasilaken cairan putih ingkang mawi aroma susu.[10] Mozzarella ingkang dipundamel mawi susu sapi alusipun boten kados Mozzarella ingkang dipundamel saking susu kerbau.[3] Kèju Mozzarella dipunsadeé ing Italia sareng kalihan toya dadihipun kanggé njagi segeripun.[1][3] Kèju punika kèju seger ingkang kedah langkung dipuntedhi ing pinten-pinten dinten bibar dipundamel.[3]

Jinis[besut | besut sumber]

Kèju Mozzarella sapunika kathah variasinipun kadosta :[6]

Mozzarella di bufala[besut | besut sumber]

Mozzarella fior di latte[besut | besut sumber]

Mozzarella affumicata[besut | besut sumber]

Scamorza[besut | besut sumber]

Pirsani ugi[besut | besut sumber]

Cathetan suku[besut | besut sumber]

  1. ^ a b (en) Buffalo Mozzarella Cheese, Delicious Italy.
  2. ^ (en) "Italian Cheese" (PDF). Italian Made. Italian Institute of Foreign Trade. 2000. 
  3. ^ a b c d e (en) Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4.  Page 52.
  4. ^ a b c d e f "Mozzarella Cheese". Sallys Place. Retrieved 2010-05-05. 
  5. ^ a b "Burrata mozzarella's creamy cousin makes a fresh impression". The Wine News.  Text "-01" ignored (help)
  6. ^ a b "Healthnotes : Mozzarella". PCC Natural Markets. 
  7. ^ "Pizzeria Operations". Correll Concepts. 
  8. ^ "Mozzarella". Organic Valley. 
  9. ^ (en) Mozzarella Fior de Latte, A.G. Ferrari.
  10. ^ a b c (en) Campana Buffalo's Mozzarella Cheese, Mozzarella di Bufala.
  11. ^ (en) Fresh Handmade Mozzarella, La Bella Mozzarella. .

Pranala njawi[besut | besut sumber]

Logo Wikimedia Commons
Pirsani galeri bab Mozzarella ing Wikimedia Commons.
Sumber artikel punika saking kaca situs web: "https://jv.wikipedia.org/w/index.php?title=Mozzarella&oldid=979235"