Scamorza

Saka Wikipédia Jawa, bauwarna bébas abasa Jawa
Kèju Scamorza

Cithakan:Infobox Cheese

Scamorza (dipunsebat ugi scamorze utawi scamorzo) inggih punika kèju jinis pasta filata saking susu sapi ingkang asalipun saking Italia.[1] Conto kèju jinis pasta filata sanesipun punika Provolone, Caciocavallo, lan Mozzarella[2] Nama scamorza punika ateges "dipunpenggal" wonten ing Basa Italia.[1] Dipunparingi nama kados mekaten amargi pitedahan kèju scamorza ingkang padatanipun dipunsukakaken ing sajroning kanthong lan dipuntalèni mawi tali.[1] Wonten kalih jinis kèju scamorza inggih punika ingkang biasa lan ingkang dipunasapaken (affumicate).[1]

Wujud lan tèkstur[besut | besut sumber]

Scamorza punika kèju ingkang elastis mawi teksturipun ingkang mawi serabut.[3] Kèju punika langkung garing tinimbang kèju Mozzarella.[3] Scamorza gadhah tekstur ingkang lembut lan gadhah werna putih mengkilat mawi rasa susu ingkang samar.[3] Kanthi tradisional, wujud saking kèju punika kados kanthong arta.[3][4] Bobot kèju scamorza punika antawisipun 200 hingga dumugi 500 gram.[5] Pitedahan saking kèju punika dipundamel saé kalihan olesan tipis mentega ing permukaanipun.[2] Pérangan punika ugi ginanipun kanggé ngirangi evaporasi wonten ing kèju.[2]

Prosès damel kèju[besut | besut sumber]

Kèju punika dipundamel saking susu ingkang sampun dipunpasteurisasi.[5] Padatanipun susu ingkang dipunginakaken punika susu sapi, ananging campuran susu sapi lan susu wedhus gembel saged dipunginakaken.[5] Kanggé damel keju punika, susu ingkang dipunperes ing wayah énjing lan susu ingkang dipunperes nalika wanci dalu dipuncampur dados setunggal. Lajeng susu kasebu dipunsaring lan dipunpanasaken ing suhu 36-38 °C.[5] Bibar punika rennet dipuncampur lan dipunnengké kemawon kirang langkung antawisipun 2 dumugi 24 jam. Kanthi ngginakaken sekop kayu, scamorza dipunolah saéngga tèksturipun mawi serabut.[5] Lajeng kèju-kèju kasebut dipunbentuk mawi tangan dados bola-bola ageng mawi kenop alit ing nginggilipun saengga kados woh pir.[5] Kèju lajeng dipunbilas mawi toya lan dipunkom wonten setengah jam. Bibar punika, kalih kèju dipuntaleni dados setunggal mawi bolah lan dipunmatengaken kalih minggu. Bibar mateng kèju punika langsung dipunsadé utawi dipunasapaken rumiyin. Pengasapan dipunlampahi kangge nutupi kèju mawi gombal lajeng dipunobong wonten ing damen antawisipun 10 dumugi 15 menit. Bibar nglampahi prosès pengasapan lajeng kulitipun dados werna kuning dados werna jingga.[5] Scamorza ingkang dipunasepaken dipunsebat scamorza affumicate lan langkung kondhang tinimbang scamorza biasa.[3] Scamorza affumicate padatanipun dipunsajèkakan kanggé pasta.[4]

Pirsani ugi[besut | besut sumber]

Cathetan suku[besut | besut sumber]

  1. ^ a b c d (en) Scamorza, Gourmet Sleuth.
  2. ^ a b c (en) O' Connor, Charles (1993). Traditional Cheesemaking Manual. International Livestock Centre for Africa. ISBN 92-9053-273-4.  Page 33.
  3. ^ a b c d e (en) Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. 
  4. ^ a b (en) Scamorza, Cheese.com.
  5. ^ a b c d e f g (en) Scamorza Cheese, Practically Edible.
Sumber artikel punika saking kaca situs web: "https://jv.wikipedia.org/w/index.php?title=Scamorza&oldid=979196"