Monumèn

Saka Wikipédia Jawa, bauwarna mardika basa Jawa
Jump to navigation Jump to search
Monumèn.
Parthenon ning kutha Athena iki dadi simbol budaya Yunani Kuna lan dhémokrasi Athena, sawiji wangun monumèn kondhang budaya donya.

Monumèn iku siji wangun struktur kang sengaja digawé kanggo mèngeti wong utawa prastawa wigati utawa kang dadi wigati tumrap golongan sosial minangka pérangan kanggo pangéling-éling mangsa kapungkur. Sawetara kutha krajan pusat pamaréntahan kaya déné Washington D.C., New Delhi, lan Brasília pancèn wis dirancang dibangun kanthi akèh monumèn kanagaran. Lokasi Monumèn Washington dirancang kanggo nyadiakaké ruwang publik kang asri lan tumata. Wangunan fungsional kang dadi tansaya wigati amarga umuré, ukurané, utawa makna sajarahé, bisa uga dianggep monumèn.

Jinis monumèn[besut | besut sumber]

  • Wangunan kang dirancang mianangka Markah tanah-conto: Menara Petronas
  • Tugu pèngetan utawa mémorial kanggo mèngeti wong kang wis tilar donya, kaya pahlawan utawa kurban perang-conto: Gerbang India
  • Kuil, Candhi, Masjid utawa yasan kaagamaan liyané kang duwé fungsi ritual kaagamaan-conto: Barabudhur, Ka'bah
  • Pilar utawa saka, kerep dimakuthani nganggo reca-conto: Pilar Nelson ing London
  • Nisan monumèn cilik kanggo wong kang wis tilar donya
  • Pesaréyan wong wigati – conto: Piramida Giza lan Taj Mahal
  • Monolit diadegaké kanggo kaperluan pèngetan lan kaagamaan-conto: Stonehenge
  • Obelisk lumrahé diadegaké kanggo mèngeti tokoh wigati utawa prasitawa wigati-conto: Monumèn Washington, Monas
  • Reca tokoh wigati utawa simbol wigati-conto: Reca Liberty
  • Gerbang utawa Plengkung kajayaan, lumrahé dibangun kanggo mèngeti suksès militèr-conto: Arc de Triomphe
  • Kawasan tilas palagan perang kanggo mèngeti kabrutalan perang lan wutahing getih-conto: Oradour-sur-Glane palagan perang Gettysburg lan Sekigahara
  • Monumèn alam uga tegesé kawasan kang duwé kaéndahan alam kang istiméwa.

Pranala njaba[besut | besut sumber]