Stonehenge

Saka Wikipédia Jawa, bauwarna bébas abasa Jawa
Stonehenge.
Panggènipun Stonehenge.

Stonehenge inggih punika monumen prasajarah ingkang dumunung ing laladan Wiltshire Inggris, watawis 3,2 kilomèter (2,0 mil) kilenipun lan 13 kilomèter saking Amesbury (8,1 mil) leripun Salisbury.[1] Stonhenge punika dados salah satunggalipun situs paling misuwur ing donya. Stonhenge kapérang saking Earthworks watu gedhé bundheran ingkang ngadeg gagah.[1] Para arkeolog precaya manawi monumen watu ikonik dipundamel watawis 2500 SM.[2] Wonten téyori ingkang njlentrehaken manawi watu ingkang wiwitan dipundamel 2400-2200 SM, wonten ugi ingkang matur manawi watu punika sampun wonten ing taun 3000 SM.[2] Situs punika dipundhaftaraken dhateng UNESCO dados warisan donya ing taun 1986. Monumen donya punika dipungadhahi déning Crown lan dipunrumati déning Inggris Heritage, lan siti ingkang wonten ing mrika gadhahipun National Trust. Boten wonten cathetan ingkang nyebataken alesanipun Stonhenge dipunyasa. Sampun kathah téyori ingkang dipunbabaraken, ananging boten wonten konfirmasinipun. Téyori kasebat kados stonhenge gadhah fungsi minangka panggènan kagem penyembuhan, panggènan sekarat, lan wonten ugi ingkang gadhah spekulasi bab astronomi. Mike Parker Pearson, ingkang mandhegani Proyek Stonehenge Riverside, nyatet manawi Stonehenge wonten gegayutanipun kaliyan pemakaman wonten ing peiode awal wiwit wontenipun Stonhenge.[3]

Cathetan suku[besut | besut sumber]

  1. ^ a b "Stonehenge World Heritage Site Management Plan". UNESCO: 18. 2008.  Cite nganggo paramèter lawas |coauthors= (pitulung); Paramèter |month= sing ora kawruhan dikiwakaké (pitulung); |coauthors= butuh |author= (pitulung)
  2. ^ a b "Dig pinpoints Stonehenge origins". BBC. 21 September 2008. Dijupuk 20 Juni 2011.  Cite nganggo paramèter lawas |coauthors= (pitulung); |coauthors= butuh |author= (pitulung)
  3. ^ Schmid, Randolph E. (2008). "Study: Stonehenge was a burial site for centuries". Associated Press

Pranala njawi[besut | besut sumber]