Piramidha Giza
| أهرامات الجيزة | |
 Sakèhing piramidha Giza cacah enem | |
  Katuduhaké ing Mesir | |
| Pernah | Kutha Giza, Giza, Mesir |
|---|---|
| Tlatah | Mesir Tengah |
| Koordhinat | 29°58′34″N 31°7′58″E / 29.97611°N 31.13278°EKoordhinat: 29°58′34″N 31°7′58″E / 29.97611°N 31.13278°E |
| Jinis | Monumèn |
| Sujarah | |
| Kala | Kala Wangsa Wiwitan tekan Kala Wekasan |
| Jeneng resmi | Memphis lan kukuban piramidha, Babagan Piramid saka Giza tekan Dahshur |
| Jinis | Budaya |
| Wewaton | i, iii, vi |
| Kadhapuk | 1979 (sési ka-3) |
| Angka | 86 |
| Tlatah | Nagara-Nagara Arab |
Piramida Giza utawi Piramida Agung Giza punika kalebet piramida ingkang sepuh lan paling ageng nomer 3 ingkang wonten ing Nekropolis Giza lan kalebet satunggaling yasan ingkang taksih dados pérangan Pitu Kaajaiban Donya. Wonten kapitadosan bilih piramida punika dipunyasa dados makam kanggé firaun dinasti kaping sekawan Mesir, Khufu (Χεωψ, Cheops) lan dipunyasa kirang langkung 20 taun lan kinten-kinten nalika taun 2560 SM. Piramida punika kadang wonten ingkang mastani Piramida Khufu kanthi dhuwur 246 mèter [1].
Piramida Giza punika dados simbol keabadian awit saking Piramida punika satunggaling piramida saking Pitu kaajaiban donya kuna ingkang taksih wonten.
Sajarah
[besut | besut sumber]Piramida Giza punika pérangan utami saking kompleks yasan makam ingkang gadhah kalih kuil kanggé pakurmatan dhateng Khufu (ingkang satunggal celak kaliyan piramida lajeng ingkang satunggal celak kaliyan Sungai Nil). Tigang piramida ingkang langkung alit kanggé garwanipun Khufu. Kaliyan satunggal piramida satelit ingkang langkung alit malih wujud lintasan ingkang dipundamel inggil kaliyan makam-makam mastaba kanthi ukuran alit wonten ing sakiwa tengené piramida para bangsawan. salah satunggal saking piramida-piramida punika nyimpen makam ratu Hetepheres (dipupanggihaken nalika taun 1925), rayi, garwa Sneferu kaliyan ibu saking Khufu. Ugi kapanggih satunggaling kutha kalebet papan kanggé makam, toko roti, pabrik bir, lan kompleks kanggé nglebur tembaga. Langkung kathah malih yasan lan kompleks kapanggih déning Proyek Pemetaan Giza.
wonten ing sisih barat daya Piramida Giza punika wonten piramida ingkang sakedhik langkung alit, Piramida Khafre salah satunggaling panerus Kufu ingkang dipunsebat dados ingkang yasa Sphinx Agung. Lan wonten malih Piramida Menkaure panerusipun Khafre ingkang dhuwuripun separuhipun.
Prakiraan rampung anggènipun damel Piramida punika kirang langkung taun 2560 BC. Déné Wazir Khufu, Hemon, utawi Hemiunu, dipunpitadosi minangka arsitek saking Piramida Giza [2].
Rahasia pambangungan Piramida Agung Giza
[besut | besut sumber]Kontraversi pambangunan Piramida Agung Giza punika lanjut dumugi pungkasan abad kaping 19. Nalika kathah arkeolog donya ingkang gadhah pamanggih bilih Piramida Agung Giza kabangun kanthi konstruksi blok watu granit cacahipun 2.300.00 wiji watu ingkang dipunpendhet sakibg wewengkon Aswan. Saben blok watu gadhah bobot 2.5 ton. Prosesing damel betah wekdal kirang langkung 30 taun kanthi mbetahaken 100.000 ingkang makarya [1].
Komplèks Piramida Giza ingkang dipunyasa déning bangsa Mesir Kuno kirang langkung 5000 taun kepengker gadhah aréa kanthi wiyar sami kaliyan jarak saking St Peter (Roma), katedral Florence (Milan) dumugi St Paul (London). Dipunyakini ugi bilih kempalan watu ing Piramida Giza manawi dados satunggal saged damel témbok kanthi dhuwur 3 mèter lan kandel 0,3 mèter ingkang saged nyukupi sadaya Perancis.
Pranala njawi
[besut | besut sumber]- Kaitan Piramid Giza dengan Rasi Bintang Orion
- Piramida Giza Archived 2010-01-02 at the Wayback Machine.
Cathetan suku
[besut | besut sumber]- ↑ a b [1] Archived 2012-08-27 at the Wayback Machine., Menguak rahasia Mesir kuna membangun Piramida Agung Giza (dipun-akses tanggal 29 Oktober 2012).
- ↑ [2][pranala mati permanèn], Piramida Agung Giza (dipun-akses tanggal 29 Oktober 2012).