Monolit

Uluru ing tengah Australia asring karan monolit sing gedhé dhéwé, masiya panemu iku racaké kainglar déning para sarjana géologi. Diwatara karang ing pinggir-pinggir Uluru wis kena érosi, déné sing dadi tilas saiki ya iku strata watu pasir sing ingaran 'monolit' Uluru.

Monolit ya iku rupa géologis wujud watu utawa karang tunggal tur magrong, kaya ta gunung, utawa karang saprongkal minangka monumèn utawa yeyasan. Érosi racaké mbiyak wewujudan géologis, sing asring dumadi saka watu beku utawa métamorfik sing kukuh tur atos.

Ing pasinaon arsitèktur, tembung iki tumpang tindhih panganggoné karo tembung mégalit, sing adaté dianggo ing pasinaon prasajarah. Tembung iki kanggo tumrap kontèks arsitèktur rock-cut sing diyasa saka watu kukuh, kaya ta ing gréja monolit, utawa saka watu gedhé, kaya ta obélisk, reca, tugu monolit, lan arsitrap, sing adaté digawa saka pamelikan. Tembung iki uga ateges gorèh glasial sing malih lumantar kakuwatan alam.

Tembung iki asal saka tembung Latin monolithus, sing asal saka tembung Yunani Kuna μονόλιθος (monolithos). Tembung Yunani Kuna iki gabungan saka tembung μόνος ("siji" utawa "tunggal") lan λίθος ("watu").

Pranala njaba

• Magepokan Watu Uluru/Ayers lan gegambaran wiwitan bab monolit gedhé dhéwé iki: GA.gov.au, ABC.net.au, Wayoutback.com.au Archived 2007-02-05 at the Wayback Machine.
• 10 Monolit Gedhé Dhéwé Sadonya, touropia