Reca Liberty

Saka Wikipédia Jawa, bauwarna mardika basa Jawa
Sana Warisan Donya UNESCO
Patung Liberty
Janeng ing Pratélan Warisan Donya
JinisBudaya
Wewatoni, vi
Rujukan307
Tlatah UNESCOAmérika
Sujarah prasasti
Prasasti1984 (Sési kaping 16)

Liberty Enlightening the World, kondhang minangka Statue of Liberty utawa Reca Liberty, iku sawijining reca ukuran raseksa sing dumunung ing Pulo Liberty, ing sungapan Kali Hudson ing New York Harbor, Amérika Sarékat. Reca iki bebungah saka Prancis marang Amérika Sarékat ing pungkasan abad kaping 19 lan minangka simbul sugeng rawuh marang para tamu, imigran lan wong Amérika sing bali saka lelungan.

Reca prunggu sing diserahaké ing tanggal 28 Oktober 1886 iki minangka bebungah satus taun kamardikan Amérika Sarékat lan minangka ungkapan kekancan antara kaloro nagara. Pemahat reca ya iku Frederic Auguste Bartholdi, lan Gustave Eiffel (désainer Menara Eiffel) ngrancang struktur penyangga jeroné. Reca Liberty iku salah siji lambang AS sing paling misuwur ing saindhenging donya, lan nglambangaké kamardikan lan kabébasan saka tekanan.

Wiwit taun 1984 reca Liberty lumebu sajeroning pratélan Situs Warisan Donya UNESCO

Pranala njaba[besut | besut sumber]