Mencawak banyu

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Life
Mencawak banyu
Varanus salvator - 01.jpg
Klasifikasi ngèlmiah e
Karajan: Animalia
Filum: Chordata
Klas: Reptilia
Ordho: Squamata
Famili: Varanidae
Génus: Varanus
Spésies: V. salvator
Jeneng binomial
Varanus salvator
(Laurenti, 1768)

Mencawak, Menyawak banyu (Varanus salvator), ya iku kadhal gedhé asli saka Asia Kidul lan Asia Kidul-wétan. Kadhal banyu iki kalebu kadhal kang lumrah ditemokaké ing saindhenging Asia. Sumebar saka Sri Lanka lan pasisir lor India nganti Indocina, Semenanjung Melayu, lan sawatara pulo ing Indonésia, sing papan kang cedhak banyu. Ing Jawa Wétan kéwan iki uga dikenal kanthi jeneng nyambik lan slira/salira

Wedharan[besut | besut sumber]

Mencawak banyu kalebu jinis kadhal kang gedhé. Mencawak banyu lanang ngancik diwasa nalika dawa awaké 40 cm (16 in) lan bobot 1 kg (2.2 lb), lan mencawak banyu wadon nalika dawané 50 cm (20 in). Nanging, mencawak banyu tetep bisa tambah gedhé manèh. Mencawak banyu lanang luwih gedhé tinimbang kang wadon[2] nanging arang arang dawané ngluwihi 1.5–2 m (4 ft 11 in–6 ft 7 in),[3] déné spésimèn gedhé dhéwé kang karekam, saka Sri Lanka, diukur 3.21 m (10.5 ft). Bobot mencawak banyu diwasa bisa 19.5 kg (43 lb).[4] Ing Surabaya, uga kawartakaké manawa ana mencawak banyu kanthi dawa 2,8 mèter lan boboté 50 kg[5].

Prilaku lan pangan[besut | besut sumber]

Mencawak banyu bisa tarung migunakaké buntut, cakar, lan cangkem. Kéwan iki pinter ngangi migunakaké buntuté. Kalebu jinis karnivora kang mangan iwak, kodok, tikus, manuk, yuyu, lan ula. Uga mangan mangan bulus, anak baya lan endhog baya.[6]

Kayadéné komodo, mencawak banyu uga mangan bathang kéwan. Mencawak banyu uga duwé daya pangambu kang becik lan bisa ngrasakaké anané bathang saka papan kang adoh.

Galèri[besut | besut sumber]

Endhas saka cedhak
ilat kang cawang
ngaso ing wit
Mencawak banyu lagi netes
Mencawak banyu (V. s. macromaculatus) nuduhaké ilat kang cawang (Sunderbans National Park, West Bengal, India)
Mencawak banyu njarah endhog saka susuh. Ilustrasi déning P. J. Smit saka Richard Lydekker's The Royal Natural History, 1893-1896

Rujukan[besut | besut sumber]

  1. Bennett, D.; Gaulke, M.; Pianka, E. R.; Somaweera, R. & Sweet, S. S. (2010). "Varanus salvator". IUCN Red List of Threatened Species. Version 2014.2. International Union for Conservation of Nature. Dijupuk 2014-08-26. 
  2. Shine, R.; Harlow, P. S.; Keogh, J. S. (1996). "Commercial harvesting of giant lizards: The biology of water monitors Varanus salvator in southern Sumatra". Biological Conservation 77 (2-3): 125–134. doi:10.1016/0006-3207(96)00008-0. Dijupuk 2013-06-09. 
  3. Pianka, King & king. Varanoid lizards of the world. 2004
  4. Water Monitor Lizard (Varanus salvator) at Pak Lah’s House | Mutakhir. Wildlife.gov.my (2012-02-23). Retrieved on 2012-08-22.
  5. "Nyambik Betina 2,8 Meter Gegerkan Warga". 2011. 
  6. Whitaker, Rom (1981) "Bangladesh – Monitors and turtles". Hamadryad. 6 (3): 7–9