Sydney

Sydney

Nagara	Australia
Praja	New South Wales
Dina Madeg	26 Januari 1788
Jembar wewengon	12.144,6 km2
Padunung	4.293.100(1st)
-Kapadhetan	345,7/km2
Basa	Basa Inggris
Zona	AEST(UTC+10) AEDT (UTC+11)

Sydney iku kutha gedhé dhéwé ing Australia lan kutha krajan saka New South Wales. Sydney uga minangka kutha kang maju sajeroning warna-warna babagan saingan karo Melbourne kang dumunung ing Victoria. Sydney uga minangka kutha tuwa dhéwé ing Australia kang madeg ing taun 1788 lan kutha gedhé dhéwé ing pérangan bumi kidul (Southern Hemisphere). Padunung area metropolitan Sydney gunggungé watara 4,7 yuta jiwa lan kang ndunungi Sydney kaloka kanthi sebutan "Sydneysider".

Sydney uga misuwur minangka tujuan pariwisata mligi Sydney Opera House kang wis dadi ikon Sydney. Ing panggonan iki dianakaké Olimpiade 2000

Sajarah

Artikel Utama: Sajarah Sydney

Laladan saubengé Sydney Harbour wis dipanggoni déning kang ndunungi Aborigin saka suku Eora lan Cadigal sajeroning 40.000 taun. Akibat urbanisasi, akèh-akèhé sisa paninggalan suku mau wis ilang.

Wong Éropa wiwit kepéncut marang laladan iki, mligi Botany Bay, ing taun 1770 sawisé panjelajahan James Cook. Karana idin Pamaréntah Inggris, Arthur Phillip teka menyang Botany Bay karo para pendhatang pisanan. Amarga nyatané laladan Botany Bay dirasa kurang cocog, banjur ngalih menyang Sydney Cove ing Port Jackson.

Jaman luru emas dialami Sydney pisanan ing taun 1851 lan para pendhatang saka Éropa padha teka kanggo miwiti urip anyar kang luwih apik ing Sydney. Taraf urip kang mundhak sawisé industrialisasi uga narik para pendhatang saka Éropa lan sabanjuré saka Asia.

Padunung Sydney saiki akèh-akèhé saka Inggris lan Irlandia nanging sangsaya akèh uga pendahtang saka Lebanon, Yunani, Italia lan Asia. Cacahing kang ndunungi uga sangsaya tambah akèh, wiwit saka 2.540 jiwa ing taun 1800 dadi 1.039.000 jiwa ing taun 1925 lan terus tuwuh dadi 4,7 yuta jiwa ing taun 2004.

Pariwisata

Jerapah ing Kebon Raja Taronga Sydney kanthi pencakar langit Sydney ing latar mburi

Sydney minangka dados salah siji kutha wisata paporit ing donya. Sawetara obyèk pariwisata kang ana ing Sydney antarané:

• Sydney Opera House lan Sydney Harbour Bridge ing Sydney Harbour
• Sydney Aquarium ing Darling Harbour
• Sydney Tower uga diarani AMP Tower utawa Centrepoint Tower
• The Rocks
• Taronga Zoo
• Sydney Wildlife World
• Chinese Garden of Friendship
• Luna Park

Pelabuhan ing kutha Sydney

Kutha Sydney gadhah jejuluk:

• Kutha krajan pista Taun Anyar sadonya
• Kutha Olimpiade Millenium
• Kutha kanthi palabuhan sagara paling éndah ing donya

Panorama Sydney Harbour ing wayah wengi, kanthi gedhong Sydney Opera House (kiwa), distrik bisnis (CBD) (tengah) lan Sydney Harbour Bridge (tengen)

Uga delengen

• Pratélan gréja Indonésia ing Sydney
• Website resmi pariwisata Nagara bagian New South Wales Archived 2008-09-08 at the Wayback Machine.
• Sydney Opera House
• Sydney Aquarium