Kuil Meiji

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Kuil Meiji

Cithakan:Kuil Shinto

Kuil Meiji (明治神宮 Meiji Jingū), mapan wonten ing Shibuya, Tokyo lan kalebet Kuil Shinto ingkang dipundedikasiaken kagem muja arwah Kaisar Meiji sarta garwanipun, Permaisuri Shōken.

Sajarah[sunting | besut sumber]

Bibar Kaisar Meiji tilar donya nalika taun 1912, Parlemen Jepang ngawontenaken resolusi kagem mengeti jasa Sang Kaisar wonten ing Restorasi Meiji [1]. Satunggaling taman kembang iris ing area Tokyo. Sang Kaisar lan permaisurinipun naté dugi wonten ing mriku dipunpilih minangka lokasi pambangunan kuil, Konstruksi kawiwitan nalika taun 1925, kuil punika dipunbangun kanthi corak tradisional Nagarezukuri sarta kasusun kathahipun saking cemara Jepang lan tembaga. Kuil punika resmi ing taun 1920, kapungkasan taun 1920 ugi, lan kanthi resmi tamanipun rampung kadamel ing taun 1926. Kuil Meiji kanthi resmi dipunrancang déning salah satunggaling Kanpei-taisha (官幣大社), inggih punika tiyang ingkang gadhah pangkat paling inggil wonten ing kuil ingkang dipunsokong déning pamaréntah. Bangunan asli kuil punika risak nalika Serangan Udara Tokyo nalika Perang Dunia II [2]. Lajeng kuil punika dipunrekonstruksi malih awit saking dana saking umum lan kapungkasan ing wulan Oktober taun 1958.

Kuil Meiji dados salah satunggal papan kunjungan Menteri Luar Negeri Amerika Serikat Hillary Clinton ing taun 2009. Bibar dugi ing Tokyo ing kunjungan luar negeri kapisan minangka Menteri Luar Negeri ugi kagem dados sesulih presiden énggal Amerika Serikat Barrack Obama, piyambakipun langkung rumiyin dhateng dugi Kuil Meiji kagem kepanggih kalihan pemimpin Jepang minangka gambaran pakurmatanipun dhumateng sejarah lan kabudayan Jepang. Ing Januari 2010, Menteri Luar Negeri Jerman Guido Westerwelle nedahaken pakurmatan ingkang sami nalika rawuh ing kuil punika.

Komplèks Kuil[sunting | besut sumber]

Kuil Meiji mapan wonten ing wana kanthi wiyar 700.000 meter persegi (kirang langkung 175 are). Aréa punika katutup kalihan wana evergreen ingkang kapérang dados 120.000 wit kanthi 365 spesiès ingkang béda. Wit-witanipun ing mriku dipunsumbang déning masarakat jepang saking samubarang kalangan nalika kuil punika wiwit dipunbangun. Wana punika kathahipun dados papan rekreasi lan relaksasi ing pusat kutha Tokyo. Kuil Meiji punika kapérang dados kaliha area utami, inggih punika Naien lan Gaien

Naien[sunting | besut sumber]

Naien kalebet wewengkon bageyan jero kuil ingkang kapusat lan kalebet muséum harta karun ingkang nyimpen manéka seratan Kaisar lan sang permaisuri. Muséum punika dipunbangun kanthi corak Azukezukuri.

Gaien[sunting | besut sumber]

Gaien kalebet wewengkon bageyan njawi kuil ingkang kalebet Galeri Gambar Peringatan Meiji mawi 80 koleksi mural ageng minangka ilustrasi prastawa wonten ing gesangipun Sang Kaisar sarta permaisurinipun. Ugi kalebet fasilitas ulah raga ingkang manéka warni ing antawisipun stadion nasional Jepang. Kejawi punika ugi kalebet Aula Peringatan Meiji ingkang wiwitanipun kaginakaken minangka papan pepanggihan pamaréntah. Sapunika papan punika kagem papan mantènan ing tradisi agami Shinto.

Cathetan suku[sunting | besut sumber]

  1. ^ (id) Jalan-Jalan ke Kuil Meiji, Harajuku , (dipunakses tanggal 14 Februari 2013)
  2. ^ (id) Meiji Shrine, (dipunakses tanggal 14 Februari 2013)

Pranala njawi[sunting | besut sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "https://jv.wikipedia.org/w/index.php?title=Kuil_Meiji&oldid=999807"