Kesenian Jawa

Peradaban saking Pulo Jawa iku akèh nglairaké jinis kesenian-kesenian mligi kesenian tradhisional antarané: jogèd Jawa, wayang, gamelan Jawa lan liyané. Saliyané iku uga tuwuh jinis-jinis kesenian kang modern/anyar mligi kang dikembangake Institut Seni Indonésia Yogyakarta lan Institut Seni Indonésia Surakarta.

Kesenian tradhisional Jawa, mligi Jawa Tengah lan Yogyakarta racaké tuwuh saka lingkungan kraton, yèn saka Jawa Wétan jinis-jinis keseniane umum tuwuh saka kabudayan rakyat.

Jawa Wétan

Kesenian kang urip ing Jawa Wétan iku tuwuh saka saling prabawa antara budaya Jawa kuna lan budaya Madura. Jinis kesenian kang misuwur saka Jawa Wétan ya iku réyog lan ludruk.

Jawa Tengah lan Yogyakarta

Saka Jawa Tengah lan Yogyakarta kang paling misuwur ya iku jinis-jinis kesenian jogèd Jawa kang dikembangke ing lingkungan kraton, uga saiki tumuwuh jinis-jinis kesenian kang luwih modern kang dikembangake ISI Yogyakarta lan ISI Surakarta. Khusus babagan seni rupa malah dikembangake kanthi mirunggan ing ISI Yogyakarta malah wis diwangun dadi Fakultas mirunggan seni rupa.

Jawa Banyumasan

Sing radha unik saka jinis-jinis kesenian laladan Banyumasan iki ya iku anané prabawa gaya Sundha ing jinis-jinis keseniane. Jinis kesenian kang misuwur saka laladan Banyumasan iki ya iku lengger lan calung Banyumasan.

Kesenian anyar

Uga delengen