Kembang mekar soré

Saka Wikipédia Jawa, bauwarna bébas abasa Jawa
(Dilih saka Kembang mekar sore)
Kembang mekar soré
Klasifikasi èlmiah
Krajan: Plantae
Divisio: Magnoliophyta
Kelas: Magnoliopsida
Ordo: Caryophyllales
Kulawarga: Nyctaginaceae
Marga: Mirabilis
Jinis: M. jalapa
Jeneng binomial
Mirabilis jalapa
L.
4 o'clock blooms.jpg

Kembang mekar soré (Mirabilis jalapa) ya iku sawijining jinis tanduran paès kang gampang ditemoni ing pekarangan omah lan dadi anggota spesies Mirabilis kang paling misuwur. jeneng elmiahe ya iku Mirabilis jalapa, tembung "jalapa" dijupuk saka jeneng sawijining kutha ing Meksiko, nagara kang diahgap dadi asal-usul tanduran iki. dikira-kira yèn kembang mekar sore disebarake saka wewengkon Andes ing Peru ing taun 1540 déning pedagang Spanyol.

tanduran iki uga asring disebut kanthi jeneng kederat, segerat, tegerat , noja (Bali), pukul ampa (Minahasa), bunga tete apa, bunga-bunga parangghi (Makasar), bunga-bunga parengki (Bugis), lore laka (Timor), kupa oras (Ambon), Cako rana (Ternate), kembang asar (Lampung), kembang pagi sore, kempang pukul empat, bunga waktu kecil (Melayu). jeneng latin tandukan kembang mekar sore ya iku Mirabilis jalapa.Sinonime ing antarane Jalapa congestaNyctago jalapae (L.) DC., Mirabilis xalapaMirabilis suaveolens Billb. ex Beurl., lan Mirabilis planiflora Trautv. Moench, Noronha.[1]

Morfologi tanduran[besut | besut sumber]

Kembang mekar sore urip ing dataran endhek kang cukup éntuk padang srengéngé utawa urip ing laladan pabukitan. Minangka tanduran herba cilik kang dhuwure watara 20 cm – 80 cm, akèh ditandur wong kanggo tanduran hias ing pekarangan , duwé watang teles, wujud godhonge arupa jantung, werna ijo tuwa, dawa watara 2 cm – 11 cm, amba 8 mm – 7 cm, bonggol godhonge bunder, pucuk lancip, pinggiran rata, dumunung adhep-adhepan lan watanf godhonge dawane watara 6 mm – 6 cm. wujud kembange arupa terompet,maneka macem werna kayata: abang, putih, oranye, kuning, kombinasi/belang- belang.

Kembange mekar ing wayah sore lan mingkup manèh nalika esuk. Wohe atos, wernane ireng, wujude arupa endhog, llan isine kang arupa putih bisa digawe wedhak. Kulit telane wernane coklat semu ireng, wujude bunder dawa, dawane watara 7 cm – 9 cm kanthi dhiameter 2 cm – 5 cm, lan isine wernane putih.

Kandhutan bahan kimia jroning kembang mekar sore ya iku Alkaloid trigonelia. Kembang iki duwé khasiat kanggo Anti inflamasi lan Diuretik .[2]

Kandhutan kimia lan efek farmakologis[besut | besut sumber]

tanduran kembang mekar sore duwé rasa legi, ora mamb, seger, lan sipate netral. bahan-bahan kimia kang kandhut jroning woh kembang mekar sore ing antarane tepung-lemak (4,3%), zat asam lemak (24,4%), lan zat asam minyak (46,9%). sakliyane iku ing bageyan oyot ngandhut xanthins. Efek farmakologis kang diduwéni tanduran kembang mekar sore ing antarane antiradang, ngluruhake air seni, nglancarake sirkulasi, lan ngilangake mampet aliran getih.[3]

Cathetan sikil[besut | besut sumber]