Kebon Raja Surabaya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kebon Raja Surabaya

Kebon Raja Surabaya utawi ingkang biyasa dipunwastani Kebon Binatang Surabaya (KBS) punika satunggiling kebon raja ingkang manggèn wonten ing Surabaya sisih Kidul. [1]Kebon Raja menika kalebet salah satunggaling kebon raja ingkang misuwur ing Indonésia.[1] Kebon Raja menika manggen wonten ing Jalan Setail No. 1 Surabaya.[1] KBS nggadhahi kathah kéwan tropis.[1] Kejawi menika ugi wonten Akuarium, karantina toxidemi saha ruang nokturama (kéwan saba ndalu).[1] Kebon Raja Surabaya menika kebon Raja ingkang paling wiyar ing Asia Kidul-wétan.[1] Wonten ing kebon raja menika dumunung kirang langkung 300 spesies satwa ingkang bènten-bènten, saha wonten kéwan ingkang cacahipun kirang langkung 4300.[1] Ing kebon raja menika ugi wonten satwa langka Indonésia utawi satwa langka ing donya kadosta jinis Mamalia, Aves, Reptilia, Pisces.[1]

Kebon Raja Surabaya menika kalebet panggènan wisata ingkang ngremenaken amargi panggènanipun ingkang wonten ing satengahing kitha Surabaya.[1] Kebon Raja Surabaya miturut SK Gubernur Jéndral Walanda tanggal 31 Agustus 1916 No. 40, dipunwastani kanthi nama “Soerabaiasche Planten-en Dierentuin” (Kebun Botani lan Kéwan Surabaya).[2]Kebon menika kawujud amargi jasanipun salah setunggaling jurnalis ingkang asmanipun H.F.K. Kommer ingkang nggadhahi hobi ngoleksi kéwan. [1]Nalika taun 1916 panggénan Kebon Binatang Surabaya ingkang sepisanan wonten ing Kaliondo.[1] Salajengipun nalika tanggal 28 September 1917 pindhah wonten ing jalan Groedo. [1] Nalika taun 1920 pindhah ing dhaerah Darmo kanggé areal kebon binatang ingkang énggal kanthi jasa OOST-JAVA STOOMTRAM MAATSCHAPPIJ utawi Maskapai Kereta Api ingkang ngusahaaken panggènan ingkang wiyaripun 30.500 m2.[1]

Cathetan suku[sunting | sunting sumber]

  1. ^ a b c d e f g h i j k l m (id)surabaya.go.id(dipunundhuh tanggal 20 September 2011)
  2. ^ (id)wisatamelayu.com(dipunundhuh tanggal 20 September 2011)


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.