Kauman, Pasar Kliwon, Kutha Surakarta

Kauman
Kalurahan
Kauman Kauman Kauman
Koordhinat: 7.57319°S 110.82607°E / -7.57319; 110.82607
Nagara	Indonésia
Provinsi	Jawa Tengah
Kutha	Surakarta
Kacamatan	Pasar Kliwon
Kodhe laladan administrasi	33.72.03.1009

Kauman iku kalurahan ing Kacamatan Pasar Kliwon, Kutha Surakarta, Jawa Tengah.

Kampung niki ketah dados Kampung Bathik Kauman Sala, ya iku séntra indhustri Bathik ing Sala. Atusan lembar kain bathik umur sak dhuwurè 35 taun dipamèrakè ing pirang-pirang sisi omah kayu kas Jawa. Manéka warna piranti mbathik sing wis tuwa ya ana ing omah iku. Kanggo nggambaraké kawijayaan indhustri bathik jaman biyèn uga dipajang atusan cap sing nengeri produsèn bathik kala iku.

Gambaran iku bisa ditemoni ing Museum Bathik Kaoeman. Museum iki ana ing pojok Kampung Kauman sing dadi salah sijiné séntra Bathik ing Kutha Sala. Kembang srengéngé puspita, sedep malem, anggur lan pisang bali, iku sapèrangan saka cap bathik sing dipajang ing tembok kayu.

Lumebu ing ruang utama, kahanan jawa jaman biyèn kerasa banget. Lembaran kain bathik ing pirang-pirang motif didèlèhkè ing jero museum iku. Kain kuna uga dipaméraké ing méja, lan kayu dawa. Sakabèhané diwènèhi labèl kanggo nerangakè saben motif kain bathik iku.

Alat produksi bathik liyané bisa ditemokaké ing lantai 2 bangunan ing sandhingè. Kajaba iku, kolèksi ing museum iki minangka papan kanggo para warga Dèsa Kauman sing tansah gawè bathik.