Iwak teri

Saka Wikipédia Jawa, bauwarna mardika basa Jawa

Iwak teri (uga diarani iwak bilis) ya iku saklompok iwak sagara kang ukuran awaké cilik. Iwak teri kalebu famili Engraulidae.[1] Famili iki duwé wujud jinis iwak teri kang warna-warna uga corak awaké.[1] Ana kang wernané pérak rada ijo lan biru.[1] Sanajan ana uga anggota Engraulidaei kang dawané nganti 23 cm, iwak teri dawané kurang luwih 5 cm.[1] Moncongé bundhel kanthi untu kang cilik lan landhep ing rahangé. Iwak teri mangané plankton.[1] Ing laladan saubengé Selat Malaka lan Sagara Cina Kidul, iwak teri biyasa digoreng lan dipangan karo sambel lan sega anget utawa sega lemak.[1] Iwak teri uga dialuské lan digawé glepung.[1] Ing Vietnam, saus iwak nước mắm kang dadi simbol nagara iku digawé saka bahan dhasar iwak teri.[1] Iwak teri urip nggrombol utawa koloni ing sagara.[1]

Iwak teri ngandhut kalsium. Kalsium ya iku salah sawijining zat kang bisa nggawé séhat balung lan untu.[2] Saliyané kalsium, iwak teri uga ngandhut fluor lan senyawa CaF2 kang cacahé akèh.[2] Iwak teri bisa dipangan langsung karo eriné.[2] Iwak teri jengki utawa Stolephorus insularis duwé akèh manfaat kanggo kaséhatan.[2] Zat gizi kang ana ing iwak teri gampang rusak mulané kudu disimpen kanthi cara diasinké.[2] Kalsium kang ana ing iwak teri apik kanggo ncegah osteoporosis utawa balung kang kropos.[2] Iwak teri kalebu sumber kalsium kang ora gampang nétral yèn kena banyu.[2] Saliyané iku fluor uga apik kanggo kaséhatan untu.[2] Fluor kena kanggo ncegah karies lan untu kang bolong-bolong.[2] Fluor bakal duwé reaksi karo hidroksi apatit kang ana ing email untu lan dadi senyawa fluor apatit kang bisa luwih tahan karo asem.[2] Kanthi mangkono untu ora gampang kena karies.[2]

Cathetan suku[besut | besut sumber]

  1. a b c d e f g h i regional.kompas.com(dipunundhuh tanggal 12 Juni 2011)
  2. a b c d e f g h i j k resepmasakanindonesia.idcc.info(dipunundhuh tanggal 12 Juni 2011)