Indonesia Warriors

Saka Wikipédia Jawa, bauwarna mardika basa Jawa
Indonesia Warriors
Jeneng jangkep Indonesia Warriors Basketball Team
Peparab Laskar Dreya
Diadegaké 2011
Lapangan Mahaka Arena,
Jakarta, Indonésia
Kapasitas
Ketua Indhonésia Erick Thohir
Manajer Sèrbi Dusan Ignatov
Liga IBL
2019 ABL (1)
Seragam kandang
Seragam tandang
Logo Liga Baskèt ASEAN kang naté dièloni déning Indonesia Warriors.
Barkas:PERBASI.png
Logo Perbasi (Babon Ulahraga Baskèt ing Indonésia

Indonesia Warriors yaiku salah sawijining klub baskèt saka Indonésia. Tim iki dudu mung samubarang tim, ananging mèlu ing kompetisi Liga Baskèt Asean utawa Asean Basketball League (ABL) kang debut ing mangsa 2009-10. Sadurungé Indonésia disulihi déning Satria Muda ing liga baskèt Asean iki, banjur digantèni dening Indonesia Warriors. Taun 2012 dadi taun kuncarané Indonesia Warriors jalaran tim iki bisa ngancik tuméka babak playoff Liga Baskèt Asean kanthi urutan nomer telu ing papan klasemèn lan diakoni dadi lelakon kang paling gedhé kang wis naté dilakoni.[1] Tim kang diduwèni déning salah siji mentri ing Kabinèt Indonésia Maju yaiku Erick Thohir iki ing taun 2012 bakal lumawan tim saka Filipina yaiku Philippine Patriots ing kanthi sistem babak best of three. Erick Thohir dhapuk Handy Soetedjo minangka prèsidhèn tim lan kagabung ing Mahaka Sports, Indonesia Warriors duwè kandhang jenengé yaiku Mahaka Arena utawa yèn nganggo jeneng seponsor dadi Britama Arena.

Juwara[besut | besut sumber]

Indonèsia Warriors tundhoné kasil nggayuh piala Liga Baskèt Asean ing taun 2012, sawisé ngalahaké San Miguel Beermen kanthi angka 78-76 ing gim katelu kang diadani ing Ynares Sport Arena, Filipina. Asil kasebut yaiku asil kang wis diantu-antu lawasé rong muangsa sadurungé bisa dadi juwara baskèt ing Asean utawa Asia Kidul Wétan iki. Mangsa sepisan Indonesia warriors mung kasil nggayuh nomer loro sawisé kalah kanthi agrégat 3-0 saka wakil Filipina liyané yaiku Philippine Patriots, déné ing mangsa candhaké malah nuduhaké préstasi kang luwih èlèk yaiku kalah ing babak règulèr. Ing final Indonesia Warriors bisa tampil kanthi prakosa lan ora kéngguh déning para panjurung San Miguel Beermen kang ngebaki aréna tetandhingan. Ngendelaké pamain gabungan antara lokal lan impor Warriors bisa ngasoraké Beermen senadyan tim saka Filipina iku kondhang minangka tim kang kuwat, piala Liga Baskèt Asean kasil digondhol menyang Indonésia.[2]

Dhaptar Pamain Taun 2013[3][besut | besut sumber]

Pemain Indonesia Warriors 2011-2015[besut | besut sumber]

Stan Pringle salah siji pamain Indonesia Warriors
  • Indhonésia Youbel Sondakh
  • Indhonésia Welyanson Situmorang
  • Indhonésia Mario Wuysang
  • Filipina Stanley Pringle
  • Amérika Sarékat Steve Thomas
  • Filipina John Smith
  • Filipina Richard Smith
  • Amérika Sarékat Chris Daniels
  • Filipina Jerick Canada
  • Filipina Francis Adriano
  • Filipina Ricky Ricafuente
  • Filipina Marlon Legaspi
  • Amérika Sarékat Nakiea Miller
  • Indhonésia Achmad Adiyanto
  • Nèderlan Swen De Ruijter
  • Indhonésia Amin Prihantono
  • Indhonésia Christian Ronaldo Sitepu
  • Indhonésia Ronny Gunawan
  • Indhonésia Raka Cokorda
  • Filipina J.R. Aquino
  • Indhonésia Ryan Febrian
  • Indhonésia Fattah Arifin
  • Filipina Allan Salangsang
  • Indhonésia Arki Dikania Wisnu
  • Indhonésia Doni Ristanto
  • Indhonésia Frans Tjaswadi
  • Amérika Sarékat Evan Brock
  • Amérika Sarékat Jonathan Larry Smith
  • Filipina Joey Mente
  • Filipina Robert Sanz
  • Amérika Sarékat Marcus Morrison
  • Filipina Ronald Capati
  • Filipina Don Camaso
  • Filipina Mark Magsumbol
  • Amérika Sarékat Alex Hartman
  • Filipina Rensy Bajar
  • Amérika Sarékat Theo Little

Dhaptar Palatih[besut | besut sumber]

  • Indhonésia Fictor Roring (2009-10)
  • Indhonésia Ocky Tamtelahitu (2010-11)
  • Amérika Sarékat John Todd Purves (2012-13)
  • Sèrbi Dusan Ignatov

Asistèn Palatih[besut | besut sumber]

thumb Christian Ronaldo Sitepu

Mligi kanggo salah siji tilas pamainé yaiku Christian Ronaldo Sitepu, ing mangsa 2019 iki dhèwèké kadhapuk minangka asistèn palatih Indonesia Warriors. Pria kang kulina diceluk Dodo iku ngayahi gati lan biyantu palatih utama kang asalé saka Serbia yaiku Dusan Ignatov. Kadhapuké Dodo minangka asistèn palatih Warriors gawé mongkog kanca-kanca sabarakané kang nganggep Dodo kalebu legéndha baskèt Indonésia. Dodo kang naté ngrengkuh juwara baskèt nasional kaping wolu duwèni gegayuhan bésuk tembé bisa gawa medhali emas ing ajang Sea Games[4].

Mundur saka ABL[besut | besut sumber]

Indonésia ing Asean wis kondhang minangka salah siji nagara kang mèlu madegaké Asean, kalebu ing ulah raga baskèt Indonésia uga mèlu nggagas anané Liga Baskèt Asean kalawan Brunéi Darussalam, Filipina, Malaysia, Singapur, lan Tailan. Nanging émané wiwit taun 2015 Indonésia wis ancang-ancang bakal oncad saka kompetisi kasebut. Warriors mutusaké kanggo mundur jalaran péngin ajeg nggatekaké ing kompetisi baskèt lokal yaiku Indonesia Basketball League utawa IBL. Pangurus tim Warriors ngrasa yèn tim kang mèlu kompetisi kudu duwé anggaran lan target bisnis kang cetha, ora goroh minangka ulah raga saiki ora amung ngrembug bab ulah raga, nanging ya ngrembug bab bathi-tunané ngubengaké dhuwit ana cawang ulah raga baskét iki[5].

Mèlu IBL[besut | besut sumber]

Ing dinané saiki Indonesia Warriors malih dadi tim kang ngemong pamain-pamain baskèt umur enom, lan dicepakaké kanggo mèlu Piala Donya Baskèt FIBA kang bakal diadani ing Indonésia lan siji nagara Asia Kidul Wétan liyane. Tim iki nggelar gladhèn ana ing komplèk ulah raga Gelora Bung Karno, Jakarta atas dhasar pamikirané Perbasi kanggo ngundhakaké méntal lan kualitas para pamainé. Indonésia Warriors bakal jajal ing gim sepisan lumawan NSH Jakarta ing IBL seri 5 mapan anèng kutha Bandhung[6].

Dhaptar Pamain Indonesia Warriors ing IBL:[besut | besut sumber]

  • Indhonésia Yudha Saputra – posisi PG
  • Indhonésia Darryl Sebastian – posisi SG
  • Indhonésia Dandung O’Neil Pamungkas – posisi SG
  • Indhonésia Erick Jonathan Gosal – posisi PF
  • Indhonésia Nickson Damara Gosal – posisi PF
  • Indhonésia Yesaya Alessandro Michael Joseph Saudale – posisi PG
  • Indhonésia Kelvin Sanjaya – posisi C
  • Indhonésia Aldy Izzatur Rachman – posisi SF
  • Indhonésia Muhammad Fhirdan Maulana Guntara – posisi SF
  • Indhonésia Ananda Farroz Habibillah – posisi SF
  • Indhonésia Ali Bagir Wayarabi Alhadar – posisi SF
  • Indhonésia Muhamad Arighi Hardan – posisi SG
  • Indhonésia William Rivaldi Kosasih – posisi C
  • Giri Cemeng Miodrag Stojig – posisi PG
  • Indhonésia Luka Radusin – posisi C

Rujukan[besut | besut sumber]

  1. Bola.net (2012-05-22). "Playoff ABL, Tantangan Terbesar Indonesia Warriors". www.bola.net (ing basa Indonesia). Dibukak ing 2019-12-24.
  2. Berita Satu (2012-06-30). "Indonesia Warriors Juara ABL 2012". www.beritasatu.com (ing basa Indonesia). Dibukak ing 2019-12-25.
  3. Sport, Detik (2013-01-09). "Indonesia Warriors Perkenalkan Tim untuk ABL 2013". Detik com. Dibukak ing 2019-12-25.
  4. Laksamana, Nugyasa (2019-02-02). "Kebanggaan Christian Ronaldo Sitepu Jadi Asisten Pelatih Indonesia Warriors". Kompas. Dibukak ing 2019-12-25.
  5. Ruriansyah, Edwan (2015-01-21). "Indonesia, Pendiri ABL yang Terancam Absen Musim Ini". Viva. Dibukak ing 2019-12-25.
  6. Rahmat, Bintang (2019-01-24). "Indonesia Warriors Peserta IBL". Jawa Pos. Dibukak ing 2019-12-25.