IBM
 | |
| Type | Binuka |
|---|---|
| Industry | Piranti kasar, Piranti alus, Manajemen leladèn tèknologi informasi, Konsultasi tèknologi informasi |
| Founded | Endicott, New York, A.S. (16 Juni 1911) |
| Founder | Charles Ranlett Flint |
| Headquarters | Armonk, New York , A.S. |
Area served | Saindenging donya |
Key people | Ginni Rometty (Ketua, Presiden, lan CEO) |
| Revenue |  US$ 106,91 miliar (2011)[1] |
| US$ 20,28 miliar (2011)[1] | |
| US$ 15,85 miliar (2011)[1] | |
| Total assets | US$ 116,43 miliar (2011)[1] |
| Total equity |  US$ 20,13 miliar (2011)[1] |
Number of employees | 433.362 (2012)[2] |
| Divisions | Jasa, Pawit, Piranti Kasar, Piranti Alus |
| Website | IBM.com |
International Business Machines Corporation (dicekak IBM) iku sawijining kumpeni asal Amérika Sarékat kang mrodhuksi lan adol piranti kasar lan piranti alus komputer. IBM diyasa tanggal 16 Juni 1911, wiwit lumaku oprasiné taun 1888 lan punjeré ana ing Armonk, New York, Amérika Sarékat.
Tata pangrumatan kumpeni
[besut | besut sumber]Komplèks kantor pusat IBM kaprenah ing Armonk, Town of North Castle, New York, Amérika Sarékat, kanthi ambané wangunan 26.300 m2. Kantor iki dipanggoni wiwit taun 1964.[3] IBM uga nduwèni rolas laboratorium risèt kang sumebar saindenging donya—Almaden, Austin, Otralia, Brazil, Cina, Dublin, Israél, Indhi, Tokyo, Watson (New York), Zurich lan Nairobi—kalawan Watson minangka markas punjeré dhivisi risèt lan dadi pusat paséban saben tauné. IBM uga nduwèni IBM Scientific Center, Hursley House, the Canada Head Office Building, IBM Rochester, lan the Somers Office Complex. Wangunan duwèké IBM, 330 North Wabash kang dirancang déning Ludwig Mies van der Rohe kasil merkolèh Honor Award saka National Building Museum ing taun 1990.[4]
Risèt
[besut | besut sumber]Ing taun 1945, The Watson Scientific Computing Laboratory diyasa ing Columbia University, New York. Fasilitas iki dipigunakaké kanggo sains murni lan minangka wiwitané divisi risèt IBM kang rikala iki nglakokaké lan ngrumat fasilitas-fasilitas risèt IBM saindenging donya. IBM uga minangka salah sawijining kang ngobahaké Open Source Initiative, lan wiwit nyokong Linux ing taun 1998.[5] Kumpeni wus nginvèstasèkaké milyaran dolar kanggo pangembangan piranti alus lan jasa kang adhedhasar Linux sarana IBM Linux Technology Center, kalebu ing jeroné yaiku ana 300 wong pangembang kernèl Linux.[6]
IBM ing Indonésia
[besut | besut sumber]IBM wiwit lumaku ing Indonésia taun 1937 mawa jeneng Watson Bedriffsmachine Java NV. Mesin sepisanan kang diadol yaiku mesin kanggo mrosès dhata kang dituku déningStaats Spoorwagen - maskapé sepur duwèké pamaréntah ing Bandung - ing jaman purwakaning komputerisasi ing Indonésia. Rikala taun 1953, Watson Java NV nyalin jenengé dadi IBM Indonesia Ltd, NV.[7] Kalawan anané akuisisi Price Waterhouse Consulting lan kayasané IBM Global Business Services ing taun 2002, IBM Indonesia ngadegaké PT IBM Jasa Teknologi Informasi ing taun 2003 lan fokus marang leladèn tèknologi informasi.
Rujukan
[besut | besut sumber]- ↑ a b c d e "2010 Form 10-K, International Business Machines Corporation". United States Securities and Exchange Commission.
- ↑ "Fortune 500: IBM employees". Fortune. 2012. Retrieved 7 May 2012.
- ↑ Fuchs, Marek (2002-02-24). "County Lines: Onward in Armonk". The New York Times.
- ↑ Forgey, Benjamin (1990-03-24). "In the IBM Image; Honoring the Corporation's Buildings". Washington Post.
- ↑ "IBM News Room". IBM News Room (ing basa Inggris Amérika Sarékat). Dibukak ing 2021-04-29.
- ↑ "IBM invests in Brazil Linux Tech Center [LWN.net]". lwn.net. Dibukak ing 2021-04-29.
- ↑ "About". www.ibm.com (ing basa Inggris). Dibukak ing 2021-04-29.