Harajuku

Saka Wikipédia Jawa, bauwarna mardika basa Jawa
dandanan Harajuku

Harajuku (原宿?) ya iku jeneng populèr kanggo laladan ing saubengé Stasiun JR Harajuku, Distrik Shibuya, Tokyo.[1] Laladan iki misuwur dadi panggonan bocah enom padha kumpul. Lokasiné manggon ing saubengé Kuil Meiji, Taman Yoyogi, punjer perbelanjaan Jalan Takeshita (Takeshita-dōri), department store Laforet, lan Gimnasium Nasional Yoyogi.[1] Harajuku dudu jeneng resmi kanggo panggonan lan ora ditulis nalika nulis alamat.[1]

Kurang luwih taun 1980-an, Harajuku kalebu panggonan kang dadi ngrembakané subkultur Takenoko-zoku.[1] Nganti dina iki, kalompok bocah nom nganggo sandhangan anéh kang bisa tinemu ing laladan Harajuku.[1] Saliyané iki, bocah-bocah sekolah ing laladan-laladan ing Jepang uga kerep nglebokaké Harajuku kanggo tujuwan studi wisata nalika piknik ing Tokyo.[1] Sabenere jeneng "Harajuku" mung digunakaké ing laladan sisih lor Omotesando.[1] Onden ya iku jeneng laladan ing sisih étan Omotesando, nanging jeneng iki ora populèr lan mèlu uga diarani Harajuku.[1]

Sajarah[besut | besut sumber]

Sadurungé jaman Edo, Harajuku kalebu salah sijiné kutha panginepan (juku) kanggoné wong kang lunga liwat ruté Jalan Utama Kamakura.[2]Tokugawa Ieyasu ménéhi bebungah penguasaan Harajuku karo ninja saka Provinsi Iga kang ngiwangi dhèwèké lumayu saka Sakai sawisé kadadéan Insiden Honnōji.[2]

Ing jaman Edo, kalompok ninja saka Iga ngedegaké markas ing Harajuku kanggo njaga kutha Edo awit panggonané kang strategis ing pérangan kidul Jalan Utama Kōshū.[2] Saliyané ninja, samurai kelas Bakushin uga milih manggon ing Harajuku.[2] Para tani nandur pari ing laladan pinggir Kali Shibuya, lan migunakaké kincir air kanggo nggiling pari utawa nggawé glepung.[2]

Ing jaman Meiji, Harajuku diyasa dadi laladan wigati kang ngubungaké kutha Tokyo lan laladan saubengé.[1] Ing taun 1906, Stasiun JR Harajuku dibukak dadi péranganing perluasan jalur kereta api Yamanote.[1] Sawisé iku Omotesando (dalan utama mara ing kuil) diyasa ing taun 1919 sawisé Kuil Meiji digawé.[1]

Cathetan suku[besut | besut sumber]

  1. a b c d e f g h i j k tokyoessentials.com(dipunundhuh tanggal 2 Juni 2011)
  2. a b c d e japaneselifestyle.com.au Archived 2012-03-26 at the Wayback Machine.(dipunundhuh tanggal 2 Juli 2011)