Getasan
| Getasan | |
|---|---|
| |
| Klasifikasi ngèlmiah | |
| Karajan: | Plantae |
| Unranked: | Angiosperms |
| Unranked: | Eudicots |
| Unranked: | Rosids |
| Ordho: | Sapindales |
| Famili: | Anacardiaceae |
| Subfamili: | Anacardioideae |
| Génus: | Buchanania |
| Spésies: | B. arborescens |
| Jeneng binomial | |
| Buchanania arborescens (Blume) Blume[1] | |
Getasan (Buchanania arborescens utawa Buchanania florida) yaiku salah sawijining wit-witan kan kelebu kulawarga Anacardiaceae. Wit iki gedhé lan dhuwuré bisa nganti 35 mèter. Dhiamèter galihé uga bisa nganti 120 séntimèter kang silindhris lan lurus. Galih ngayu sing kulité alus iki wernané klawu nganti soklat tuwa lan sepeté akèh. Tluthé bening werna jambon. Godhongé kasusun spiral lan nggerombol ing pucuk. Kembangé cilik-cilik werna krém.[2]
Biologi[besut | besut sumber]
Wit getasan iki ngembang mangsa katiga yaiku wiwit sasi April. Wohé thukul ing wanci sasi Januari nganti Désembér. Pasebaran wiji direwangi dening manuk, kethèk, lan kalong.
Èkologi[besut | besut sumber]
Getasan tuwuh ing tlatah iklim teles lan umumé ing cedhak sumber banyu utamané ing cedhak kali. Wit iki ditemokaké ing alas tropis ing Indonésia. Tanduran iki thukul ing lemah sing dhuwuré luwih saka 500 méter ing sadhuwuring samodra. Pasebaran wit iki ana ing nagara Indhi, Thailand, lan Asia kidul wetan. Ing manèka tlatah, wit iki duwé jejuluk liyané kaya ta: popohan (Sumatra). rawa-rawa pipit (Kalimantan). malamangga (Filipina), beluno-beluno (Malaysia), luaet khwai (Thailand), caay muwng ri (Vietnam), jam-jam (Brunèi Darussalam)[3]
Piguna[besut | besut sumber]
Wit iki bisa kanggo piranti wangunan, mèbel, ulih-ulih/cendhera mata, lan lemari amarga kayuné kang trep lan rada empuk. Sakliyané dadi prabot omah, kayu iki uga bisa dipigunakaké dadi blabak tulis, kothak cerutu lan pulp.[4] Serbuk saka kayu iki menawa kena ing kulit suwé-suwé bisa nyebabaké dermatitis.[5]
Deleng uga[besut | besut sumber]
Getasan uga dadi jeneng salah sawijining kecamatan ing Semarang yaiku kecamatan Getasan.
Rujukan[besut | besut sumber]
- ↑ Cithakan:APNI
- ↑ Partomihardjo, Tukirin dkk. (2014). Jenis-Jenis Pohon Penting di Hutan Nusakambangan. Jakarta: LIPI Pers bersama Yayasan Pustaka Obor Indonesia. kc. 978-979-799-804-2. ISBN 978-979-799-804-2.
- ↑ "Buchanania arborescens". www.asianplant.net. Dibukak ing 30 Maret 2020.
- ↑ "Buchanania arborescens". lkcnhm.nus.edu.sg. Dibukak ing 30 Maret 2020.
- ↑ "Buchanania (Buchanania arborescens)". ITTO (ing basa Inggris Amérika Sarékat). Dibukak ing 30 Maret 2020.