Gapura:Asia/Artikel pilihan
Republik Indonesia iku sawijing nagara ing Asia Kidul-Wétan. Kawentar kadidéné nagara kang dumadi saka maewu-èwu pulo, mula asring diarani Nuswantara (Nusantara). Miturut Departemen Dalam Negeri Republik Indonesia taun 2004, cacahing pulo ing saindenging Nuswantara ana 17.504 pulo. Sacara administratif wewengkon, ana 33 provinsi, 440 kabupatèn/kutha, 5.263 kacamatan lan 69.929 désa/kalurahan. Indonésia ana ing posisi antara 6º LL – 11º LK lan 95º BW-141º BW, antara Lautan Pasifik lan Lautan Hindi, antara Bawana Asia lan Bawana Australia, lan antara pertemuan 2 rangkeyan pergunungan, ya iku Banjaran Pasifik lan Banjaran Mediteranian.
Indonésia nduwé luwih 18,000 pulo (sakiwa-tengené 6000 ora dienggoni) kesebar ing kiwa-tengené khatulistiwa, lan nduwé iklim tropika. Pulo ingkang paling padat penduduke ya iku Pulo Jawa, separo penduduk Indonésia ana ing pulo iki. Indonésia nduwé 5 pulo gedhé, ya iku: Jawa, Sumatra, Kalimantan, Sulawesi, lan Papua.
Lokasi Indonésia uga ana ing pinggir lempeng tektonik sing aktif ingkang bererti Indonésia sok kena lindhu lan uga tsunami. Indonésia uga nduwé akèh gunung geni, salahsijine ya iku gunung Krakatau ing selat Sunda. (Tutugé)