Gaplèk

Saka Wikipédia Jawa, bauwarna bébas abasa Jawa
COLLECTIE TROPENMUSEUM Gedroogde cassave (gaplek) in een loods te Soerabaja waar het wordt gemalen TMnr 60043894.jpg

Gaplèk ya iku ketéla pohung kang wis diawètaké kanggo pasadiyan panganan. Cara ngawètaké ketéla diocèki saka kulité lan di pecah-pecah utawa disigrak-sigrak dadi akèh, banjur dipépé ana ing ngisor panasé srengéngé supaya bisa rikat garing. Gaplèk dadi panganan pokok ing tlatah Gunungkidul nalika jaman biyèn. Ananging saiki nalika jaman wis maju thiwul wis ora dadi panganan pokok, ananging iya uga isih ana kang nggawe thiwul minangka panguri-uri panganan tradisional. Ana ing tlatah Pathi utawa ing tlatah pantura gaplèk saliyané kanggo panganan uga duwé mumpangat digawé glepung utawa lèm. Gaplèk kang garing didheplok ing lumpang / lesung supaya lembut lan banjur bisa digawé panganan kaya ta roti, bubur, krupuk lan sapanunggalé. Glepung tapioka saka gaplèk bisa uga digawé sega thiwul kang rasané énak lan gurih. Sega thiwul misuwur ing masarakat tlatah Pagunungan Kidul, Kabupatèn Gunungkidul, Wanagiri nganti tlatah Kabupatèn Pacitan.