Djuanda Suraatmadja

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Prof. Ir. Djuanda Suraatmadja
Ir. Djuanda Suraatmadja.jpg
Anggota Rektorium ITB 1978-1979
[[Rektorium/Rektor ITB]] 7
Linggih
16 Fèbruari 1978 – 30 Mèi 1979
Kang sadurungéProf. Dr. Ing. Iskandar Alisjahbana
Kang sawiséProf. Dr. Doddy A. Tisna Amidjaja
Rerincèn dhiri
LairDjuanda Suraatmadja
(1936-01-03) Januari 3, 1936 (umur 83)[1]
Nèderlan Bandung, Hindia Nèderlan
BangsaIndonésia Indonésia
AlmamaterIr.-ITB[1]

Purdue University, USA[1]
University California, USA[1]

University of New South Wales, Ostrali[1]

Prof. Ir. Djuanda Suraatmadja, ingkang miyos wonten ing Bandung, Jawa Kulon, Indonésia tanggal 3 Januari 1936), inggih punika salah satunggaling Guru Besar Teknik Sipil Institut Teknologi Bandung pèriode kaping 16 saking Pebruari 1978 ngantos 30 Mèi 1979, satunggaling masa wondéné ing wekdal punika institusi punika mapan wonten ing kaanan ingkang angèl sanget amargi wontenipun obahan mahasisiwa ITB ingkang ugi dipunanggep mborntak dhateng pamarèntah Indonésia. Piyambakipun inggih ugi misuwur minangka ingkang manggihaken Beton Polimer ingkang ramah lingkungan wonten ing babagan konstruksi.[1]

Biografi[besut | besut sumber]

Djuanda Suratmadja inggih minangka putra kaping kalih saking kalih welas sedherekipun ingkang miyos saking kulawarga guru ing Bandung. BApakipun inggih asma Otong Suraatmadja inggih mantan direktur SMA I Bandung, lan ibunipun, NY Kamaidah Atmadidjaja sampun naté dados guru ing Sekolah Kepandaian Puteri (SKP) ing Sumedang.

Padamelanipun[besut | besut sumber]

Sasampunipun lulus saking sarjana teknik sipil ing ITB ing taun 1960[2], piyambakipun lajeng dados pegawe Pekerjaan Umum ing Jawa Kulon. Nanging sasampunipun enem sasi, piyambakipun kondur malih ing kampusipun amargi kuciwa amargi gambar-gambar ingkang piyambakipun damel boten naté dipundadosaken kasunyatan. Salajengipun, piyambakipun inggih gadhah satunggal garwa, Ny Hj Anny Sumarni M Ranusadjati lan pinanringan tigang putra saking garwanipun.

Djuanda Suratmadja miwiti padamelanipun minangka asistèn ahli wiwit taun 1960. Piyambakipun ugi sampun naté njabat dados Ketua Departeman Sipil ing taun 1968-1971[3], lajeng dados Direktur Lembaga Politeknik Pekerjaan Umum lan Dekan Fakultas Teknik Sipil lan Perencanaan (FTSP) ITB saking taun 1977 ngantos taun 1981. Ing tanggal 16 Pebruari 1978-30 Mèi 1979 Djuanda Suraatmadja njabat dados Anggota Rektorium ITB sesarengan kaliyan Prof. Dr. Moedomo; Prof. Ir. Wiranto Arismunandar, MSME; ingakng dipunpandhegani déning Dr. Soedjana Sapi'ie. Rektorium dipunwujud kanggé ngisi kursi pimpinan ingkang kothong ing ITB sasampunipun Prof. Iskandar Alisjahbana minangka rektor ITB dipunmandhegaken kanthi dhadhakan ing tanggal 14 Pebruari 1978. Periode rektorium mau dipunanggep minangka masa rektor kaping pitu utawi minangka rektor kaping tigang likur wonten ing Pratélan Rektor Institut Teknologi Bandung, wiwit sepisanan kampus punika madeg kanthi nama Kampus Ganesha wiwit TH Bandung dipundhirikaken.[4] Salajengipun ung taun 1982-1992, piyambakipun njabat dados kepala program S2 ing STJR-ITB, lan ing taun 1991 piyambakipun dipunangkat dados Guru Besar Teknik Sipil ITB.

Ing taun 1997[5], karya sanèsipun ingkang dipundamel lan ingkang minangka asiling temonanipun ingkang paling énggal inggih bab ngginakaken coorper tailling ingkang minangka limbah PT Freeport ing Papua ingkang taksih dipunbucal kanthi percuma ngantos sak punika lan ingkang dadosaken perkawis kanggé lingkungan ing sakiteripun.

Penghargaan[besut | besut sumber]

Tandha jasa lan piagam ingkang dipuntampi déning Prof. Ir. Djuanda Suraatmadja ing antawisipun inggih punika Piagam Penghargaan saking mantri Pengawasan Lingkungan Urip ing taun 1983 saking tumindakipun ingkang aktip kanggé paring sosialisasi bab perkawis lingkung urip dhatneg para konsultan in tanah air, mliginipun saking bab pangaribawanipun pembangunan babagan sipil dhateng langsungipun lingkungan urip. Piyambakipun ugi pikantuk penghargaan teladan saking Mantri Urusan Pekerjaan Umum ing taun 1992 saking peranipun dados kepala program pascasarjana sistem lan teknik jalan raya, program studi kolaborasi ITB lan PT Bina Marga. Déning Présidhèn Soeharto, piyambakipun dipunparigi tandha kaurmatan Satyalancana Karya Satya XXX ing taun 1996. Anugerah Kalyanakretaya ing dinten Kebangkitan Teknologi Nasional V ingkang dipundamel déning présidhèn Abdurrahman Wahid ing Bandung taun 2000. Ing tanggal 10 Oktober 2006, Prof. Ir. Djuanda Suraatmadja sesarengan kaliyan 13 guru besar ITB sansipun (sesarengan kaliyan 269 guru besar saking perguruan tinggi sanèsipun) pinaringan anugerah "Anugeraha Sewaka Winayaroha". Kajawi pikantuk medali, sdya ingkang nampi penghargaan pikantuk piagam lan insentif saben tiyang cacahipun Rp 50 yuta.[6][7]

Cathetan suku[besut | besut sumber]

  1. a b c d e f Penemu Beton Polimer yang Ramah Lingkungan
  2. Sakri, A. (1979b:170).
  3. Sakri, A. (1979a:155).
  4. Sejarah Rektor TH Bandung - ITB.
  5. GAMMA Nomor: 28-2 - 05-09-2000
  6. Empat Belas Guru Besar ITB Terima Anugeraha Sewaka Winayaroha.
  7. Sesuai Dudutan Dirjen Pendidikan Tinggi Departemen Pendidikan Nasional No 54a/DIKTI/Kep/2006 yang ditandatangani olèh Direktur Jendral Pendidikan Tinggi, Satryo Soemantri Brodjonegoro.