Dango

Saka Wikipédia Jawa, bauwarna mardika basa Jawa
Jump to navigation Jump to search
Hanamidango

Dango (団子?) ya iku roti Jepang kang wujudé kaya bal cilik lan dikukus utawa digodhoh ing njero banyu. Adonan dango digawé saka glepung beras kang diuleni nganggo banyu utawa jarang. Kushidango ya iku sesebutan kanggo dango cacahé 3, 4, utawa 5 kang disundhuk dadi siji nganggo sundhukan (kushi) saka pring. Cacahing dango sasundhukan iku dhedhasar papan panggonane ing Jepang.

Dango kang legi rasané digawé kanthi cara nambahake gula ing adonan, déné dango kang ora legi diclupake ing saos. Dagno bisa uga dipangan karo bubuk kacang kedhelé (kinako), dilebokake ing sajeroning mitsumame (ager-ager kang dipangan karo manéka warna woh kaleng utawa sele kacang abang kang dijèri. Saliyané saka glepung beras, dango uga bisa digawé saka glepung millet.

Jinis-jinis[besut | besut sumber]

Mitarashi dango
Kusadango
  • Tsukimidango (dango nyawang bulan)
Sapérangan papan ing Jepang nyusun tsukimidango dadi wujud kaya piramidha.
  • Hamidango (dango nalika ohanami)
Kushidango kang wernane jambon, ijo, lan putih.
  • Yomogidango utawa Kusadango
Dango kang dipangan karo selé kacang abang, bubuk kedhele, lan gula.
  • Shiratama dango (dango bal putih)
Dango bunder-bunder saka glepung beras kang diclupake ing sele kacang abang cewer utawa dipangan bareng ager-ager lan buah kaleng.leng.
  • Mitarashi dango
Dango kang cacahé 3, 4, utawa 5 disundhuk nganggo sundhukan pring (sujèn) lan dipanggang dhisik sadurungé diclupake ing saus saka campuran kécap asin lan gula. Mung ing Perfektur Gifu, mitarashi dango diclupake ing saos dhisik sadurungé dipanggang.
  • Kibidango
Dango saka glepung millet kaya déné kang dicaritakake ing carita rakyat Momotaro.