Cithakan:Gapura:Oseania/Artikel pilihan

Republik Kapuloan Marshall kuwi sawijining negara kapuloan kang dumunung ing Samudra Pasifik bagéan kulon. Negara iki wewatesan karo Nauru lan Kiribati ing sisih kidul, Mikronesia ing kulon, lan Pulo Wake ing sisih lor. Senadyan warga Mikronesia manggoni Kapuloan Marshall ing abad 2000 SM, pangetauan bab sajarah awal negara iki mung sethithik. Penjelajah Spanyol Alonso de Salazar minangka wong Eropah pisanan kang nemokaké Kep. Marshall, nanging kapuloan iki ora naté diparani manèh jroning sawetara abad nganti kaptèn Inggris John Marshall marani ing taun 1788; kapuloan iki dijenengké miturut jenengé. Sawijining perusahaan dagang Jerman ngadegaké cabang ing Kep. Marshall taun 1885 kang dadi bagéan saka protektorat Jerman Nugini. Jepang nguwasani kapuloan iki ing Perang Donya I lelandhesan mandat Liga Bangsa-Bangsa. Taun 1944 wektu Perang Dunia II, Amérika Sarékat nyerbu kapuloan iki lan nglebokaké jroning Wilayah Perwalian Kapuloan Pasifik (Trust Territory of the Pacific Islands). Sawisé perang, AS wiwit nglaksanakaké sawetara uji coba nuklir ing Kep. Marshall kang lumaku nganti taun 1960-an. Akibaté, akèh warga Marshall kang kena èfèk tingkat radiasi dhuwur saéngga klaim kompènsasi isih lumaku nganti dina iki. Taun 1979, Republik Kep. Marshall didegaké lan perjanjèn Compact of Free Association karo AS ditandhatangani, lan wiwit lumaku taun 1986. (Tutugé...)