Chevron Corporation

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Chevron Corporation
Binuka
IndhustriIndhustri lenga lan gas products = Pétrokimia, lenga
Pelumas
Gas alam
Urub-uruban
DipurwaniStandard Oil of California
Gulf Oil[1]
Diyasa1984
Kantor gedhéSan Ramon, California
Wong kunci
David O'Reilly, CEO & Pangarsa Umum
Olèh-olèhanDecrease US$ 228,848 miliar (2013)[2]
Decrease US$ 035,905 miliar (2013)[2]
Decrease US$ 021,597 miliar (2013)[2]
Gunggung asètIncrease US$ 253,753 miliar (2013)[2]
Gunggung ékuwitasIncrease US$ 150,427 miliar (2013)[2]
Cacah karyawan
64.600 (Des 2013)[2]
Sana jaringanChevron.com

Chevron Corporation (NYSE: CVX Euronext: CHTEX) iku sawijining kongsi dagang gedhé babagan ènergi kang asalé saka Amérika Sarékat. Kantor punjeré mapan ing San Ramon, California, AS lan aktif ing 180 nagara luwih. Laku dagangé Chevron ana ing indhustri lenga lan gas, kalebu bab èksplorasi lan prodhuksi; pangilangan, pamasaran, lan transportasi; prodhuksi kimiya lan dodolan; tuwin pangurubaning listrik. Chevron nduwèni fasilitas ing 90 nagara. Chevron iku minangka salah siji saka nem kongsi dagang lenga ing donya, nalika taun 2013 dhèwèké kaprenah angka 11 ana sajroning daptar Fortune Global 500 bab kongsi dagang gedhé dhéwé ing donya.[3]

Sajarah[besut | besut sumber]

Salah siji kang murwani Chevron, Star Olim, diyasa sawisé dhèwèké nemokaké lenga ing Lembah Pico sisih loré Los Angeles taun 1876. Miturut pakar géofisika aran Marius Vassiliou, lenga cacah 25 barrel saben dinané iku kang diarani minangka mulabukané indhustri lenga ing California lan wiwit tuwuhé Palemahan Newhall.[4] Analis ènergi aran Antoni Juhasz mratélakaké yèn sanajan wong kang ngadegaké Star Oil iku nduwèni pengaruh kang gedhé tumrap anané indhustri lenga ing California, nanging Union Matolle Company wis nemokaké lenga ing nagara pérangan iki wiwit sewelas taun kepungkuré.[5] Sasi Sèptèmber 1879, Charles N. Felton, Lloyd Tevis, George Loomis lan sawetara mitrané wiwit ngadegaké Pacific Coast Oil Company klawan akuisisi asèté Star Oil[4] mawa dana cacah sayuta dolar AS.[6] Pacific Coast Oil ngrembaka dadi prodhusèn lenga gedhé dhéwé ing California[6], nanging banjur dituku déning Standard Oil kanthi rega $761.000 ing taun 1900.[4] Pacific Oil tetep lumaku kanthi indhepèndhen lan migunakaké jenengé dhéwé nganti taun 1906, nuli sabanjuré digabungaké kalawan dhivisi Standard Oil lan tundhoné karan dadi Standard Oil Company (California) utawa California Standard.[4][7]

Chevron ing Indonésia[besut | besut sumber]

Chevron Indonesia (biyèn aran Unocal Indonesia) iku sawijining kongsi dagang lenga lan gas ing Indonésia. Sulihing aran kongsi dagang awit sawisé pasarujukan gabung karo Chevron ing rapat anggota kang darbé saham Unocal Corporation ing tanggal 10 Agustus 2005. Chevron Indonesia Company, utawa CICo, iku minangka péranganing badan usaha darbèké Chevron IndoAsia Business Unit.

Minangka Kontraktor Kontrak Kerja Sama (KKKS) BPMIGAS, Chevron Indonesia mrodhuksi sapérangan gedhé lenga lan gas saka lepas pasisir Kutai kang kaprenah ing wewengkoné Kabupatèn Kutai Kartanegara, Kalimantan Wétan.

Chevron IndoAsia Business Unit nyakup bisnis lenga lan gas antarané yaiku CICo, Chevron Pacific Indonesia, Chevron Makassar Ltd, lan bisnis panas bumi kang antarané yaiku Chevron Geothermal Indonesia, Chevron Geothermal Salak, Mandau Cipta Tenaga Nusantara, dan Chevron Geothermal Phillipines.

Rujukan[besut | besut sumber]

  1. "Company Profile". Chevron.com. Dibukak ing August 9, 2011.
  2. a b c d e f "Chevron Corp, Form 10-K, Annual Report, Filing Date Feb 22, 2013" (PDF). secdatabase.com. Dibukak ing March 24, 2013.
  3. "Chevron - Global 500 2013 - Fortune". CNNMoney. Dibukak ing 2021-08-29.
  4. a b c d Vassiliou, Marius S. (2009-03-02). Historical Dictionary of the Petroleum Industry (ing basa Inggris). Scarecrow Press. ISBN 978-0-8108-6288-3.
  5. Juhasz, Antonia (2009-10-06). The Bush Agenda: Invading the World, One Economy at a Time (ing basa Inggris). Harper Collins. ISBN 978-0-06-197761-9.
  6. a b Karliner, Joshua (1997). The Corporate Planet: Ecology and Politics in the Age of Globalization (ing basa Inggris). University of California Press. ISBN 978-0-87156-434-4.
  7. Falola, Toyin; Genova, Ann (2005). The Politics of the Global Oil Industry: An Introduction (ing basa Inggris). Greenwood Publishing Group. ISBN 978-0-275-98400-7.