Byeongpung

Saka Wikipédia Jawa, bauwarna bébas abasa Jawa
Byeongpung

Byeongpung (병풍) ya iku jinis hiasan ruwangan kang ana sekat-sekat lempitan dekoratif kang bisa digunakake kanggo nutupi utawa ngrias kamar yèn dijarengake.[1] Jinis kerajinan iki wis digawé kawit jaman kerajaan Silla lan dadi barang kang didol ing negera Jepang bebarengan karo emas, perak lan kain sutra.[1] Byeongpung duweni saben-saben panel kang ambane 35–45 cm lan dhuwure 160–180 cm.[1] Saben panel utawa papan dilapisi kertas kang bisa didekorasi karo media kertas, kain sutra utawa kain rami.[1] Karya kang dilukis ing byeongpung ya iku kaligrafi, lukisan utawa sulaman.[1] Jumlah papan lan ukuran byeongpung manut karo gunane, nanging cacahe tansah genep.[1] Jumlah kang paling cilik ya iku loro nganti rolas lapis papan kang gampang digawa amarga padha nyambung.[1]

Salah siji tema lukisan byeongpung kang paling umum ya iku sipjangsaeng utawa sepuluh lambang umur dawa.[1] Byeongpung ana gambare sipjangsaeng lan bulan lan srengéngé dideleh ing mburi tahta raja Dinasti Joseon ing istana, kang nglambangake pepadaning raja kanthi lambang mau.[1][2] Sipjangsaeng ya iku srengéngé, gunung, banyu, watu, awan, cemara, kura-kura, manuk jenjang, rusa lan suket kang duweni kasiat.[1]

Delengen uga[besut | besut sumber]

Cathetan suku[besut | besut sumber]

  1. ^ a b c d e f g h i j An Illustrated Guide to Korean Culture - 233 traditional key words. Seoul: Hakgojae Publishing Co. 2002. kk. 190–191. ISBN 89-8546-98-1 Priksa gandra |isbn= (pitulung). 
  2. ^ (en)Review/Art; Sampling of Treasures From 18th-Century Korea, nytimes.com. Diundhuh tanggal 12 Juni 2010.


Sumber artikel punika saking kaca situs web: "https://jv.wikipedia.org/w/index.php?title=Byeongpung&oldid=1096503"