Butet Kartaredjasa

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Butet Kertaradjasa
Butet kertaradjasa01.JPG
BojoRulyani Isfihana

Butet Kartaredjsa iku seniman kang duwé kaprigelan ing donya seni pertunjukan lan Seni Lukis.[1] Sadurungé ing teater Butét tau dadi sketser (tukang gambar vignet) lan tukang nulis freelance kanggo prakara-prakara sosial budaya ing koran lokal utawa nasional, kaya ta: KR, Bernas, Kompas (koran), Mutiara, Sinar Harapan, Hai, Merdéka, Topik, Zaman, lan liya liyané. Dhèwèké uga giat dadi tukang gambar lan tukang ngamati owah-owahane donya seni lukis.[1]Butet Kertaradjasa (lair ing Yogyakarta 21 November 1961)[1] Butet duwé sadulur cacahé 7, dhèwèké anak nomer 5 saka seniman gambar lan koreographer Bagong KussudiardjaButet.[2] Butet Kertaradjasa duwé garwa namane Rulyani Isfihana.[2] Saka garwan iku Butet duwé anak 3, namane Giras Basuwondo (1981), Suci Senanti (1988), lan Galuh Paskamagma (1994).[2] Sekolahe Butet: Sekolah Menengah Seni Rupa (1978-1982), Fakultas Seni Rupa lan Desain, Institut Seni Indonésia Yogyakarta (1982-1987, ora lulus).[2]

Kiprah[besut | besut sumber]

Butet Kertaradjasa iku aktor kang wis asring manggung ing pentas teater ing Indonésia.[3] Butet wis tau main ing Teater Kita-Kita (1977), Teater SSRI (1978-1981), Sanggarbambu (1978-1981), Teater Dinasti (1982-1985), Teater Gandrik (1985-saiki), Komunitas Pak Kanjeng (1993-1994), Teater Paku (1994), Komunitas seni Kua Etnika (1995-saiki).[4] Ing Yogyakarta Butet éntuk pehargyan dadi aktor Terbaik Festival Teater SLTA sa-DIY kaping 2 ing Tahun 1979, lan aktor lan sutradara Terbaik Festival Teater SLTA sa-DIY kaping 4 (1981).[1] Ing taun 1999 diwènèhi pahargyan Tokoh Seni déning PWI Cabang Yogya lan taun 2000 olèh Penghargaan Seni saka Pemda DIY.[1]

Butet iku seniman kang rasional kang diduwèni kutha Yogyakarta.[5] Dhèwèké uga aktor kang wis tau akting ing filem-filem ing Indonésia.[6] Filem sing wis tau dibintangi Butet kaya ta: Petualangan Sherina (2000); Banyu Biru (2005); Koper (2006); Anak-Anak Borobudur (2007); Capres (Calo Présidhèn) (2009); Seleb Kota Jogja (SKJ) (2010).[6] Ing monolog (salah siji jinising seni teater), Butet miwiti saka taun 1986 kanthi judhul Racun Tembakau, banjur Lidah Pingsan, Benggol Maling, Raja Rimba Jadi Pawang, Iblis Nganggur, Mayat Terhormat, lan Guru Ngambeg.[1] Butet salah sii seniman kang asring ngetokaké nyek-nyekan kang ngemu surasa pulitik.[7] Kaya ujare Butet "Katimbang dadi Présidhèn beneran nanging putusan lan kebijakane kaya guyonan, mendingan dadi Présidhèn Guyonan".[8]

Cathetan suku[besut | besut sumber]

  1. a b c d e f Tokoh Indonésia.com (diaksés ing tanggal 22 Fèbruari 2011)
  2. a b c d Situs Universitas Pancasila (diaksés ing tanggal 22 Fèbruari 2011)
  3. Mahasiswa.com (dipunundhuh tanggal 24 Fèbruari 2011)
  4. Butet Kertaradjasa (diakses ing tanggal 22 Fèbruari 2011)
  5. Indonésiakreatif.net (dipunundhuh tanggal 24 Fèbruari 2011)
  6. a b IMDB.com (diakses nalika tanggal 22 Fèbruari 2011)
  7. Infokorupsi.com (dipunundhuh tanggal 24 februari 2011)
  8. Kertaredjasa, Butet.2009.Présidhèn Guyonan.Yogyakarta:Kitab Sarimin (halaman 255)