Bubur Ketan Ireng

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Bubur ketan hitam
250px
Bubur ketan hitam dihidangkan dengan santan kental disajikan sebagai sarapan di Bali
Jeneng liyanéBubur pulut hitam, bubur injit
Panggonan asalIndonesia dan Malaysia
Tlatah utawa prajaAsia Tenggara
Woworan pokokketan hitam, santan, gula merah atau gula pasir
Buku masakan: Bubur ketan hitam  Médhia: Bubur ketan hitam
Bubur pulut ireng

Bubur ketan ireng (uga diarani bubur pulut ireng utawa bubur Injit ) yaiku panganan penutup, digawé saka beras ketan sing digodhog nganggo banyu sing akèh nganti empuk, lan biasané disajiké karo santen. Bubur ketan ireng yaiku istilah sing digunakaké ing Indonesia, utamané ing tanah Jawa . Ing wilayah kanthi pengaruh budaya Melayu sing kuwat, bubur iki diarani "bubur pulut ireng". Nalika ing Bali lan ing Nusa Tenggara Timur, jeneng panganan iki yaiku "bubur Injit". [1] [2] Panganan iki bisa disajiké adhem uga anget. [3]

Bakal utama kanggo nggawé bubur ketan ireng yaiku beras ketan ireng, gula jawa, godhong pandan, lan santen. [3] [1] Gula pasir bisa digunakaké kanggo ngganti gula jawa.

Variasi[besut | besut sumber]

Manéka warna variasi bisa ditrapaké ing penyajian panganan bubur ketan ireng. [3] [2] Sawetara penulis resep nambah beras ketan putih minangka campuran beras ketan ireng. Banjur, werna-werna bahan pelengkap bisa ditambahké miturut seléra. Bahan pelengkap sing bisa ditambahké ing bubur ketan ireng yaiku wiji jagung, kastanya, roti tawar, lan tela rambat . [4] [5]

Glepung beras ketan nduweni sipat lengkèt nalika digodhog. Santen kang ditambahké bisa nyuda lengketé saka panganan iki. Bubur ketan ireng duwe warna sing ireng legam, lan rasa kasebut dianggep gurih. [6]

Cara nggawé[besut | besut sumber]

Bubur ketan ireng digawé nganggo beras ketan sing direndhem udakara 1 jam. Beras kasebut banjur digodhog karo godhong pandan sing direndhem, nganti umob. Banjur, kanthi intensitas geni sing dikurangi, beras terus digodhog nganthi mateng lan empuk. Nalika wis empuk, gula jawa bisa ditambahké. Pangan iki biasa disajiké karo santen . Bubur bisa uga disajiké panas uga adhem. [3]

Manfaat[besut | besut sumber]

Ketan Ireng bisa nyegah diabetes, ketan Ireng duweni sifat anti-inflamasi lan sugih antioksidan, yen dikonsumsi kanthi jangka suwe bakal entuk manfaat kanggo nyegah Alzheimer lan diabetes. Bisa mbantu njaga kesehatan kulit kanthi cara alami. Ketan ireng bisa ngganti sel kulit mati kanthi sel kulit anyar sing luwih alus lan lembut, lan ngemot pelembap alami sing uga bisa ngadhemké kulit.

Cathetan[besut | besut sumber]

  1. a b (ing basa Inggris) "Bubur Ketan Hitam Recipe (Black Glutinous Rice Pudding) and Indonesia Eats on Very Asia.com". Indonesia Eats. 7 Oct 2007. Dibukak ing 7 May 2014.
  2. a b (ing basa Indonésia)Boga Y (2008). Kue-kue Indonesia. Gramedia Pustaka Utama. ISBN 9789792238600.
  3. a b c d (ing basa Indonésia)Winata M (2008). Sajian manis dan segar: jajan pasar, bubur manis, es campur, dan puding cita rasa Asia ala Thailand. Gramedia Pustaka Utama. ISBN 9789792240009.
  4. (ing basa Indonésia)Soewitomo S (2008). 35 resep pilihan Sisca Soewitomo kolak & es campur: sajian saat ramadhan & idul fitri. Gramedia Pustaka Utama. ISBN 9789792239935.
  5. (ing basa Indonésia)Nuraini U, Asti BM. Koleksi Hidangan Lezat Halalan Toyyiban. Mutiara Media. ISBN 9789798780233.
  6. (ing basa Indonésia)Soehoetu C. Dasar Dasar Gizi Kuliner. Grasindo. ISBN 9789796694181.