Biltong

Saka Wikipédia Jawa, bauwarna bébas abasa Jawa
Biltong griyanan mawi bumbu Afrika Kidul

Biltong inggih punika tetedhan ingkang arupi daging garing mawi bumbu ingkang asalipun saking Afrika Kidul. Tetedhan punika saged dipundamel saking maneka jinis daging kadosta : daging sapi, daging asil saking buruan utawi manuk unta saking peternakan. Biltong punika dipundamel saking filet daging mentah ingkang dipuntugel setunggal arah kalihan serabut otot utawi dipuniris kanthi nugel serabut otot.

Tetedhan punika mèmper kaliyan dhèndhèng amargi sami-sami arupi daging garing mawi bumbu, ananging bummbu, rasa lan proses anggènipun damel punika bènten. Nama dhaharan punika asalipun saking Basa Walanda, inggih punika bil (Basa Indonésia: tanjung) lan tong (tugelan utawi ilat)[1] amargi katingal kados lidah asap.[2] padatanipun Biltong dipunsadé kanthi wujud kepingan dawa utawi dipuntugel dados kepingan alit saéngga gampil menawi dipundhahar. Raosipun radi asin, legi lan radi alot.

Bumbu[besut | besut sumber]

Biltong ing pasar swalayan Johannesburg

Bumbu tradisional Biltong punika kados ingkang wonten ing ngandhap punika :

Kejawi bumbu-bumbu kasebut wonten malih bumbu sanèsipun, inggih punika :

Daging[besut | besut sumber]

Biltong langkung asring dipundamel mawi aging sapi. Kanggé tugelan paling saé, has jero langkung kathah dipunginakaken. Sanajan bagéyan sapi sanèsipun saged dipundamel, ananging asilipun boten patos saé.

Biltong ugi saged dipundamel saking daging kéwan kadosta :

  • Rusa utawi daging antelop kudu
  • Manuk unta (werna daging abrit terang, mirip sanget kalihan daging rusa)[3]
  • Iwak, asilipun dipunsebat bokkom.
  • Pitik, asilipun dipunsebat chicken biltong.

Biltong lan dhèndhèng[besut | besut sumber]

Biltong ingkang nembé dipungaringaken

Antawisipun Biltong lan dhèndhèng punika wonten kalih bédanipun, inggih punika :

  • Daging ingkang dipunginakaken langkung kandel; padatanipun daging biltong dipuntugel kanthi kandel 1 inci - ananging saged ugi langkung kandel. Déné dhèndhèng punika langkung tipis tinimbang biltong.
  • Bumbu ingkang dipunginakaken kanggé damel biltong punika cuka lan sarem. Ugi proses damel garing, maringi sarem wonten ing biltong saéngga tèkstur lan rasa saking biltong punika langkung alus. Dhendheng dipundamel garing mawi sarem lan mrica.

Pangginaan[besut | besut sumber]

Biltong punika dipundhahar minangka cemilan. Ugi saged dipuntugel kados dadu supados dipunmasak kanggé sop lan ugi kangge jangkepan kagem biskuit lan roti. Saperangan restoran mewah ngginakaken biltong minangka topping pizza. Ugi wonten keripik kenthang mawi rasa biltong. Biltong saged dipunginakaken kanggé mamahan bayi. Sapeangan toko nyade biltong ingkang boten dipunparingi bumbu supados dimamah déning bayi kanggé ngrangsang waja.

Cathetan suku[besut | besut sumber]

  1. ^ Eric Partridge (20 September 2006). Origins: An Etymological Dictionary of Modern English. Routledge. 
  2. ^ Llewellyn, E.C. (1977). The Influence of Low Dutch on the English Vocabulary. London: Oxford University Press. k. 172.  Priksa gandra date ing: |year= / |date= mismatch (pitulung)
  3. ^ "Biltong profits cut and dried". Business Report. 13 Mei 2003. Dijupuk 23 September 2008.  Priksa gandra date ing: |date= (pitulung)

Pranala njawi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Biltong&oldid=1038265"