BMW

Saka Wikipédia Jawa, bauwarna bébas abasa Jawa
BMW

BMW Sèri 1 kang digawé taun 2004 ya iku montor BMW kang paling cilik.[1] Ana loro modhel kanggo montor jinis iki ya iku koupe/konvertibel (E82/E88) lan hatchback (E81/E87).[1] Sèri 3 kalebu ing montor kompak èksekutif, Mobil BMW iki wiwit digawé nalika taun 1975, déné saiki kalebu génerasi kang kalima saka (BMW E90); modhel-modhel kang ana kaya ta sedan sport (E90), station wagon (E91), koupe (E92), lan konvertibel (E93).[1]Seri 5 ya iku sedan èksekutif mid-size, kang ana uga ing versi sedan (E60) lan station wagon (E61).[1]Seri 5 Gran Turismo (F07) kang wiwit digawé nalika taun 2010 bakal dadi mobil kelas station wagon lan crossover SUV.[1] Mobil BMW dijenengi kanthi sistem jeneng kang tinamtu, lumrahé telung digit angka banjur siji utawa loro huruf.[2] Angka kang kapisan iku nomer sèri montor.[2] Déné angka loro sawisé iku lumrahé dadi ukuran gedhéné kapasitas mesin ing cc kang dibagi 100.[2] Sanajan ngono mobil BMW kang digawé akir-akir iki migunakaké rong nomer mburi kanggo indèks performa, kaya ta sèri 116i, 118i lan 120i (kabèh montor iki nganggo mesin bènsin 2.0L), kaya ta 325d lan 330d (loro-loroné nggunakaké mesin 3.0L diesel) kang nggunakaké blok mesin padha ananging tenagané béda amarga setup lan turbocharger.[2]

Cathetan suku[besut | besut sumber]

  1. ^ a b c d e newbmwseries.com/(dipunundhuh tanggal 8 Agustus 2011)
  2. ^ a b c d [ http://www.bmw.ca bmw.ca](dipunundhuh tanggal 8 Agustus 2011)