Azrul Azwar
Prof. Dr. Azrul Azwar, MPH (utawi asring dipunsebat Kak Azrul) inggih punika dhokter medhis lulusan saking Fakultas Kedhokteran Universitas Indonesia taun 1972, ingkang sapunika mengku kalungguhan Ketua Kwartir Nasional Gerakan Pramuka Indonésia.[1] Panjenenganipun miyos tanggal 6 Juni 1945 ing Kotacane, Acèh Tenggara.[2]
Gerakan Pramuka
[besut | besut sumber]Miturut asil Musyawarah Nasional (Munas) Gerakan Pramuka 2008, Kak Azrul kapilih malih dados Ketua Kwartir Nasional periode 2008-2013.[3]. Dhasar kawontenanipun Munas 2008 inggih punika Dudutan Musyawarah Nasional Gerakan Pramuka Tahun 2003, Nomor: 12/Munas/2003 ngéngingi Musyawarah Nasional Gerakan Pramuka 2008.[4] Lan gadhah sesanti Satyaku Kudarmakan Darmaku Kubaktikan kaliyan tèma Revitalisasi Gerakan Pramuka Mewujudkan Kaum Muda Mandiri dan Cinta Tanah Air.[4] Sadèrèngipun njabat dados Ketua Kwartir Nasional, Kak Azrul naté dados Pemimpin Ékan Karya (Pinsaka) Bakti Husada tingkat Nasional rikala taun 1998-2003.[1] Kak Azrul uga sampun dados Andalan Nasional wiwit taun 1998.[1] Bapak ingkang sampun patutan tiga punika tiyang perfeksionis sanget, nanging tetep prasaja.[2]
Pendhidhikan akademik
[besut | besut sumber]Gelar S1 lan S3 sarta Guru Besar dipunpendhet Kak Azrul saking Fakultas Kedhokteran Universitas Indonesia.[1] Lajeng, titel S2 dipunpendhet saking Universitas Hawai ingkang wonten ing Amérikah Sarékat.[1] Sanèsipun dados dhokter ingkang saged nambani lelara, Kak Azrul langkung dipuntepangi déning kanca-kancanipun minangka penulis, pemikir lan aktivis organisasi.[2] Senaos téma tulisanipun, sakiwa-tengené prakawis kaséhatan.[2] Sadangunipun 15 taun (1975-1990), cacahipun makalah ingkang sampun dipunserat ngantos 246 iji.[2] Lajeng cacahipun buku ingkang sampun kaserat wiwit taun 1974 wonten 48 iji.[2] Panelitèn ingkang sampun dipuntindakaken wiwit taun 1975 ngantos kaping 29 asilipun konkrit sanget lan seminar internasional ingkang panjenenganipun rawuhi wiwit taun 1969 wonten kaping 51, antawisipun ing Singapura, Hongkong, Jepang, Pakistan, Switserlan, Spanyol, Tunisia, Mesir, Amérikah Sarékat, Koréa, India, Jerman, Bèlgi lan sapanunggalipun.[2]
Urutan Ketua Kwartir Nasional
[besut | besut sumber]- Sri Sultan Hamengkubuwana IX Ketua Kwartir Nasional Gerakan Pramuka taun 1961-1974[5]
- Letjen. Sarbini Ketua Kwartir Nasional Gerakan pramuka taun 1974-1978[5]
- Letjen. Mashudi Ketua Kwartir Nasional Gerakan Pramuka taun 1978-1993[5]
- Letjen. Himawan Ketua Kwartir Nasional Gerakan Pramuka taun 1993-1998[5]
- Letjen. Rivai Harahap Ketua Kwartir Nasional Gerakan Pramuka taun 1998-2003[5]
- Prof. Dr. Azrul Azwar, MPH Ketua Kwartir Nasional Gerakan Pramuka taun 2003-sapunika[5]
Cathetan suku
[besut | besut sumber]- ↑ a b c d e http://www.kabarindonesia.com/
- ↑ a b c d e f g "http://www.pdpersi.co.id/". Diarsip saka sing asli ing 2011-11-05. Dibukak ing 2011-05-24.
{{cite web}}: External link in|title= - ↑ http://www.wikimu.com/[pranala mati permanèn]
- ↑ a b http://www.madina-sk.com/[pranala mati permanèn]
- ↑ a b c d e f "http://www.pramukanet.org/". Diarsip saka sing asli ing 2012-01-11. Dibukak ing 2011-05-20.
{{cite web}}: External link in|title=