Rebo

Saka Wikipédia Jawa, bauwarna mardika basa Jawa
(Kaelih saka Arba'a)
     

Rebo iku dina kapapat sajeroning kalèndher Jawa, sawisé Selasa lan sadurungé Kemis. Jeneng Rebo dijupuk saka basa Arab Arba'a kang tegesé papat. Jeneng liya kanggo dina iki yaiku Buda, kang dijupuk saka basa Sangskreta kang tegesé Mèrkurius, mèmper pangertèn sajeroning basa-basa ing Éropa. Ing basa-basa Roman jeneng iki asalé saka jeneng déwa Romawi Mercury: mercredi (basa Prancis), mercoledì (basa Italia), miércoles (basa Spanyol), miercuri (basa Romania), dimecres (basa Catalan), lan dies Mercurii (basa Latin). Sajeroning basa India jeneng dina Rebo iku Buddhavar, kang asalé saka jeneng Mercury ing basa Vedic: Buda. Buda uga dipigunakaké ing basa Urdu. Kanggo ngarani dina Rebo iki Ruslan ora nganggo jeneng pagan nanging nganggo jeneng: sredá, kang tegesé "tengah", mèmper karo jeneng basa Jerman Mittwoch. Déné ing basa Portugis jenengé quarta-feira, kang tegesé dina kapapat.

Deleng uga[besut | besut sumber]

Pranala njaba[besut | besut sumber]