Pasaran

Saka Wikipédia Jawa, bauwarna bébas abasa Jawa
Lambang dina pasaran Jawa, saka buku History of the Indian Archipelago déning John Crawfurd (1820).

Pasaran utawa ing kalèndher Jawa disebut Pancawara, iku pétungan wektu sing suwéné limang dina. Sajeroning sistem pananggalan Jawa lan Bali, ana rong jinis siklus wektu: siklus minggon lan siklus pasaran. Sajeroning siklus minggon, seminggu dipérang dadi pitung dina, kaya déné kang dikenal sadina-dina ya iku dina Senèn, Selasa, Rebo, Kemis, Jemuwah, Setu, lan Ngaat utawa Minggu. Sajeroning siklus pasaran, sepasar dumadi saka limang dina pasaran ya iku: Pahing/Jenar – Pon/Palguna – Wagé/Cemengan – Kliwon/kasih – Legi1/umanis2.

Miturut kalèndher Jawa,saben dina lan tanggal ing sistem kalèndher Masèhi tansah nduwèni rong werna jeneng dina. Contoné: tangal 1 Januari 2001 iku dina Senèn - Pahing, sabanjuré tanggal 2 Januari 2001 dina Selasa - Pon, banjur diterusaké dina Rebo - Wagé, disusul dina Kemis - Kliwon, Jemuwah - Legi, Setu - Pahing, Ngaat - Pon, Senèn - Wagé, Selasa - Kliwon, lan sakbanjuré. Kombinasi rong jinis dina iki nganti saiki isih dianggo sajeroning panerbitan tanggalan utawa surat khabar abasa Jawa, kaya koran Kedaulatan Rakyat yang terbit ing kutha Yogyakarta.

Uga delengen[besut | besut sumber]