Cyanobacteria
| Cyanobacteria | |
|---|---|
| |
| Anabaena sphaerica (Nostocales) | |
| Klasifikasi ngèlmiah | |
| Karajan: | Bacteria |
| Dhivisi: | Cyanobacteria |
Alga ijo-biru (Cyanophyta) iku sebeneré organisme prokariotik sing mèmper karo alga ya iku ing habitaté lan ing cara fotosintesisé.[1] Sebeneré alga ijo-biru iki luwih cedhak karo baktéri tinimbang alga dadi panliti luwih seneng ngarani organisme iki cyanobacteria utawa baktéri ijo-biru.[1]
Sanajan alga ijo-biru iku fotosintesis lan sifaté prokariotik, nanging alga ijo-biru iku béda karo baktéri fotosintetik.[1] Klorofilé iku klorofil a, ya iku molekul sing padha karo klorofil sing ana ing alga lan ing tetuwuhan.[1] Alga ijo-biru bisa nganggo banyu dadi sumber èlèktron lan kelawan ngrédhuksi karbon dhioksidha dadi karbohidrat.[1] Réaksiné iku kaya ngéné:
CO2 + 2H20 --> (CH2O) + H2O+O2[1]
Padha kaya baktéri peluncur, alga ijo-biru iku kebungkus ing njero dhindhing peptidoglikan sing diubengi déning selubung sing ana getahé.[1] Saliyané klorofil lan béta-karotèn, alga ijo-biru duwé siji utawa loro pigmèn tambahan ya iku pigmèn biru utawané fikosianin lan pigmèn abang sing dijenengi fikoeritrin.[2] Campuran prasaja klorofil, fikosianin lan pigmèn ing sapérangan spésies sing duwé fikovretrin katoné warnané abang, ungu, soklat, lan ireng.[2]
Cathetan sikil
[besut | besut sumber]- ↑ a b c d e f g (Anshori, Moch. , Martono, D.(2009)."Biologi 1 untuk Sekolah Menengah Atas (SMA) – Madrasah Aliah(MA) Kelas X (BSE)".Jakarta:Pusat Perbukuan, Depdiknas. Hal.98)
- ↑ a b (Anshori, Moch. , Martono, D.(2009)."Biologi 1 untuk Sekolah Menengah Atas (SMA) – Madrasah Aliah(MA) Kelas X (BSE)".Jakarta:Pusat Perbukuan, Depdiknas. Hal.99)