Akmal Nasery Basral

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Akmal Nasery Basral
Akmal.jpg
Lair (1968-04-28) April 28, 1968 (umur 51)
Indonésia Jakarta, Indonésia
BangsaIndonésia
PakaryanSastrawan, Wartawan

Akmal Nasery Basral ingkang miyos ing Jakarta ing tanggal 28 April 1968 inggih punika kalebet salah satunggaling sastrawan saha pujangga Indonesia.

Riwayat Pagesanganipun[besut | besut sumber]

Akmal Nasery Basral ngrampungaken pendhidhikan sarjananipun ing Jurusan Sosiologi Universitas Indonésia. Piyambakipun sak punika gadhah griya wonten ing Cibubur, Bekasi, sesarengan kaliyan garwanipu, Sylvia, saha tigang putrinipun, Jihan, Aurora, Ayla.[1] Minangka wartawan, piyambakipun sampun naté makarya dados wartawan ing kathah majalah kados ta ing majalah berita minggon Gatra wiwit taun 19941998, Gamma ing taun 1999, lajeng wiwit taun 2004 ngatos sak punika piyambakipun makarya wonten ing majalah Tempo. Piyambakipun ugi sampun naté dados ingkang dhirikaken saha mimpin redaksi majalah tren digital @-ha ing taun 20002001, saha MTV Trax ing taun 2002 ingkang sak punika dados Trax sasampunipun ngawontenaken kerjasama kaliyan MRA Media Grup, penerbit majalah punika kaliyan MTV rampung. Minangka satunggaling sastrawan, Akmal Nasery Basral kalebet kasèp anggènipun medalaken karya, amargi nembé ing yuswa 37 taun, piyambakipun saged ngasilaken novelipun ingkang kaping sapisan kanthi irah-irahan Imperia ingkang medal ing taun 2005. Lajeng novèl angka kalih ingkang medal inggih punika Ada Seseoran di Kepalaku yang Bukan Aku (2006), saha Naga Bonar (Jadi) 2 ing taun 2007, novelipun saking filem box-office ingkang sami dipunsutradai aktor misuwur inggih punika Deddy Mizwar. Ing pagelaran AMI kaping 10 ing taun 2006, Akmal dipuntunjuk dados ketua Tim Kategorisasi ingkang nggantos sadaya jinis penghargaan kanthi jinis penghargaan ingkang énggal. Ing babagan filem, Akmal dados salh satunggal saking gangsal juri pokok Festival Film Jakarta ingkang kaping 2 ing taun 2007, sesarengan kaliyan Alberthiene Endah, Ami Wahyu, Mayong Suryo Laksono, saha Yan Widjaya. Ing sak njawining katresnanipun kaliyan babagan jurnalistik saha sastra, Akmal Nasery Basry ugi misuwur dados paningal musik saha filem ing Indonésia. Piyambakipun kalebet aggota énggal ing tim sosialisasi Anugerah Musik Indonesia.

Karya-karyanipun[besut | besut sumber]

Akmal Nasery Basral sampun kathah ngasilaken karya. Kempalan cariyos cekakipun ingkang sepisanan medal inggih kanthi irah-irahan Ada Seseorang di Kepalaku yang Bukan Aku ingkang medal ing taun 2006, ingkang ngewrat 13 carkak kalebet long-list Khatulistiwa Award ing taun 2007.[2] Piyambakipun ugi sampun kathah nyerat novèl saha cerkak kados ta novèl "Anak Sejuta Bintang", novèl ingkang ngandharaken cariyos lare alitipun Aburizal Bakrie, ingkang medal ing taun 2012. Déné karya cerkakipun Akmal ingkang sanèsipun inggih punika kanthi irah-irahan "Legenda Bandar Angin" ingkang sampun naté pikantuk penghargaan minangka carkak ingkang paling saé harian Pikiran Rakyat ing taun 2006. Déné karya-karyanipun ingkang sampun dipunwedalaken inggih kados makaten:

  • Tahun 2005-Imperia (novèl)
  • Tahun 2006-Ada Seseorang di Kepalaku yang Bukan Aku" (antologi carkak)
  • Tahun 2006-Legenda Bandar Angin (carkak terbaik harian Pikiran Rakyat).
  • Tahun 2007-Nagabonar Jadi 2 (novèl)
  • Tahun 2010-Sang Pencerah (novèl)
  • Tahun 2011-Présidhèn Prawiranagara (novèl)
  • Tahun 2011-Batas (novèl)
  • Tahun 2012-Anak Sejuta Bintang (novèl)

Cathetan suku[besut | besut sumber]

  1. [1] Akmal Nasery Basral (dipunundhuh tanggal 21 Januari 2013)
  2. [2] Akmal Nasery Basral (dipunundhuh tanggal 21 Januari 2013)