Alberthiene Endah

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Alberthiene Endah
Lair 16 September[A]
Bandung, Jawa Barat
Pakarya Penulis, jurnalis
Bangsa Indonésia
Mangsa 1993–sekarang

Rr. Alberthiene Endah Kusumawardhani Sutoyo (16 Sèptèmber[A]), utawi langkung kawentar kanthi asma Alberthiene Endah, inggih punika salah satunggalipun sastrawan lan juru warta saking Indonesia. Piyambakipun sampun kathah nyerat biografi para tokoh antawisipun Krisdayanti lan Chrisye.[1]

Latar wingking[besut | besut sumber]

Alberthiene Endah lair ing Kutha Bandung, Jawi Kilen lan ageng ing Kutha Dhépok. Piyambakipun remen kaliyan jagat panyeratan nalika taksih alit, lajeng nelatèni padamelan minangka juru warta nalika taksih wonten sekolah menengah pertama.[2] Sarampungipun saking sekolah menengah atas, piyambakipun nerasaken wonten Jurusan Sastra Belanda, Universitas Indonesia.[1] Alberthiene Endah nyambut damel kaping pisan wonten ing kalawarta Hidup ing taun 1993.[2] Taun 1996, piyambakipun nglajengaken pedamelanipun wonten kalawarta Femina.[1] Wonten ing mriku, Albertin saget ngawontenaken imbal pangandikan kaliyan para tokoh antawisipun Jennifer Lopez, Xanana Gusmão,[2] lan Krisdayanti, ingkang salajengipun nyuwun supados dipundamelaken biografi bab kiprahipun. Buku punika dipunbabar ing taun 2003 kanthi sesirah Seribu Satu KD.[1]

Ing taun 2004, Alberthiene medal saking kalawarta Femina amargi namung péngin dados panyerat jawi.[1] Salajengipun piyambakipun mangarsani dhéwan èdhitor wonten kalawarta Prodo.[2] Saking mriku piyambakipun lajeng nampi sapérang panyuwunan saking para tokoh misuwur supados nyerataken biografi.[1] Ing taun punika ugi, Alberthiene nyerat novèl Jangan Beri Aku Narkoba ingkang nglumantaraken nampi bebungah saking Badan Narkotika Nasional (BNN). Piyambakipun ugi nampi bebungah Adikarya Awards taun 2005 ing kategori Novèl Remaja. Pakaryan punika dipunangkat salebetipun filem biyoskup Detik Terakhir taun 2005, ingkang dipunparagani Cornelia Agatha.[1]

Mèi dumugi Novèmber 2006, Alberthiene nggarap biografi Chrisye ingkang wekdal punika saweg nandang gerah kanker paru-paru.[1] Piyambakipun nyebat, padamelan punika saèstu mirunggan[2] lan mratélakaken bilih sumadyanipun Chrisye nampi imbal pangandikan punika "satunggalipun kaajaiban."[1] Taun 2010, piyambakipun ngendika, saweg nyerat biografi juru paraga Luna Maya.[3]

Pakaryan[besut | besut sumber]

Biografi
Taun Sesirah Tokoh
2003 Seribu Satu KD Krisdayanti
2004 Panggung Hidup Raam Punjabi Raam Punjabi
2004 Dwi Ria Latifa: Berpolitik dengan Nurani Dwi Ria Latifa
2006 Venna Melinda Guide to Good Living: Bugar dan Cantik ala Venna Melinda Venna Melinda
2007 Anne Avantie: Aku, Anugerah dan Kebaya Anne Avantie
2007 Chrisye: Sebuah Memoar Musikal Chrisye
2008 Titiek Puspa: A Legendary Diva Titiek Puspa
2009 Catatan Hati Krisdayanti: My Life, My Secret Krisdayanti
2011 Merry Riana — Mimpi Sejuta Dolar Merry Riana
2012 Joko Widodo -Menyentuh Jakarta Joko Widodo
2013 Ken Dean Lawadinata -Ken & Kaskus Ken Dean Lawadinata
Novèl
Taun Sesirah Cathetan
2004 Jangan Beri Aku Narkoba First novèl
2004 Cewek Matre
2004 Jodoh Monika
2005 Dicintai Jo
2008 Selebriti
2009 Ojek Cantik
2009

2013

Nyonya Jetset

Athirah

Cathetan[besut | besut sumber]

  • ^ Piyambakipun mboten ngakeni taun pinten kalairaken, nanging Titik Kurniasari wonten artikel "Alberthiene Endah: Life, She wrote" (The Jakarta Post) ngéntha-éntha bilih yuswanipun 30-an (dumugi Novèmber 2009).[1]

Rujukan[besut | besut sumber]

  1. a b c d e f g h i j Kurniasari, Titik. "Alberthiene Endah: Life, She wrote" The Jakarta Post. 22 November 2009.
  2. a b c d e Malik, Candra. "My Jakarta: Writer Alberthiene Endah" The Jakarta Globe. 23 August 2009.
  3. Kamil, Ati. "Kehidupan Luna Maya Akan Dibukukan?." Kompas. 20 August 2010.