Airbus A380

Saka Wikipédia Jawa, bauwarna mardika basa Jawa


Airbus A380

A300 · A310 · A320 · A330 · A340 · A350 · A380 · A400M

Airbus A380 Singapore Airlines (Oktober 2009)
 Tipe Montor mabur komersial
 Produsen Airbus
 Pisanan mabur 27 April 2005
 Dikenalaké 25 Oktober 2007 déning Singapore Airlines
 Status Isih diprodhuksi
 Pemakai Singapore Airlines
Emirates
Qantas
Air France
Malaysia Airlines
 Diproduksi 2004 – saiki
 Cacah digawé 59 unit as of Fèbruari 2011[1]
 Rega satuan US$ 375.3 yuta dolar
Airbus A380 perdana kang dianggo déning Qantas

Airbus A380 iku sawijining montor mabur utawa pesawat dhèk dobel (basa Inggris double-deck) mawa papat mesin kang diprodhuksi déning perusahaan Éropah Airbus. A380 iku pesawat penumpang kang gedhé dhéwé sadonya. Pamaburan perdhana A380 dianakaké ing Toulouse, Prancis ing tanggal 27 April 2005. Banjur pamaburan komersial perdanané ana ing tanggal 25 Oktober 2007 saka Singapura tumuju Sydney déning maskapé Singapore Airlines kang dadi peluncur perdhanané. Montor mabur iki diarani Airbus A3XX nalika dirancang, nanging saiki uga kerep diarani Superjumbo.

Dhèk dhuwur A380 iku modhot sadawaning fuselase pesawat. Bab iki dadi nggawé pesawat iki nduwé 50% bilik kang luwih amba tinimbang pesawat liyané kang gedhé kapindho, ya iku Boeing 747-400. A380 nyedyani kursi kanggo 525 penumpang ing konfigurasi standhar telung kelas nganti 853 ing konfigurasi ékonomi kebak. A380 digawé ing vèrsi penumpang lan kargo. Vèrsi penumpang A380-800 iku pesawat penumpang kang gedhé dhéwé sadonya, luwih gedhé tinimbang saingané kang paling cedhak Boeing 747, nanging luwih cendhak tinimbang Airbus A340-600. Pesawat A340-600 iki pesawat Airbus kang gedhé dhéwé kapindho. Airbus A380-800F, vèrsi kargo iku disedyakaké minangka salah sijining pesawat kargo kang gedhé dhéwé. Sing luwih gedhé manèh ya iku namung Antonov An-225. A380-800 nduwé radhius pamaburan 15.200 kilomèter (utawa 8.200 mil sagara), cukup kanggo mabur saka New York City menyang Hong Kong contoné lan kacepetané ana Mach 0.85 (utawa 900 km/jam utawa 560 mil per jam ing cruise altitude).

Airbus A380 VIP ‘Flying Palace’ (‘Pura Terbang’)[besut | besut sumber]

Rancang bangun interior Airbus A380 kanti kapasitas penumpang 20 utawa 60 wong kanti isi peralatan lengkap kantor utawa kamar turu, kursi nyaman, cocktail bar utawa ruang mangan (dining room) utawa relaxing zone kanti TV kang duwé ukuran layar gedhi banget.[2][3]

Mesin[besut | besut sumber]

Tenaga disediakaké kanti pilihan mesin turbofan Rolls-Royce Trent utawa Engine Alliance GP7200. Rolls-Royce Trent nalika awalé menang sajeroning kompetisi (dipesen luwih akèh déning para pemesan A380) nanging, Engine Alliance memulihkan penjualané lan saiki mesiné éntok setengah pérangan pasar.

Peluncuran[besut | besut sumber]

Airbus A380 ditontonké pertamaé marang publik nalika Januari 2005. A380 nglakokaké penerbangan awalé ing 27 April 2005 saka Blagnac Toulouse International Airport, Toulouse, Perancis pada 8:29 UTC lan mbalek kanti selamat nalika 12:22 UTC ing papan anggegana kang padha.

Fasilitas[besut | besut sumber]

Airbus lan maskapé penerbangan kang bakal minggunakaké A380 mrayogèkaké kemampuan pesawat iki kang ngundhakaké kenyamanan penumpang kaya ta kabin kang luwih amaba lan pira-pira fasilitas liya kaya ta bar, toko-toko, lan kasino kaya kang diumumaké déning Virgin Atlantic.

Cathetan sikil[besut | besut sumber]

  1. "A380 production list". January 2011.
  2. http://www.forbes.com/2007/11/13/talal-billionaires-a380-biz-cx_ll_1113plane.html Forbes: A Peek Inside The Flying Palace
  3. http://www.airbus.com/en/aircraftfamilies/executive_aviation/vip_widebodies/ Airbus Executive and Private Aviation

Pranala njaba[besut | besut sumber]

Artikel kagandhèng
Pesawat sarupa

MD12- B747- Ilyushin Il-96

Sèri desain kang padha

A300- A310- A318- A319- A320- A321- A330- A340- A350- A380-