Aepycamelus

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Aepycamelus
Kalamangsa: Miosen awal–Miosen akir
Masalah pitembungan: Operator < ora kinira.

Masalah pitembungan: Operator < ora kinira.

Aepycamelus Alticamelus hharder.jpg
Sawijining seniman abad kaping 20 nglukis Aepycamelus
Klasifikasi ngèlmiah
Karajan: Animalia
Filum: Chordata
Klas: Mammalia
Ordho: Artiodactyla
Famili: Camelidae
Tribe: Camelini
Génus: Aepycamelus
MacDonald, 1956
Spesies

Aepycamelus alexandrae
Aepycamelus bradyi
Aepycamelus elrodi
Aepycamelus giraffinus
Aepycamelus latus
Aepycamelus major
Aepycamelus priscus
Aepycamelus proceras
Aepycamelus robustus
Aepycamelus stocki

Aepycamelus giraffinus lan Procamelus grandis

Aepycamelus, iku sajinis camelid sing wis cures, sing sadurungé sinebut kanthi jeneng Alticamelus sing urip sakdawané jaman Miosen 20.6-4.9 Ma lan lan èksis nganti kira-kira 15.7 yuta taun kapungkur. Jeneng Aepycamelus iku asalé saka tembung basa Yunani αἰπύς sing tegesé "dhuwur" lan tembung "κάμελος" sing tegesé "onta". Dadi Aepycamelus tegesé "onta sing awaké dhuwur", yèn didadèkaké basa Latin dadi tembung Alticamelus. Mlakune mung nganggo driji-driji sikilé. Béda karo spésies camelid sadurungé, Aepycamelus duwé bantalan empuk kaya déné apa sing diduwèni onta modhèren.

Morfologi[besut | besut sumber]

Aepycamelus iku kalebu salah sijining kéwan sing manggoni padhang suket ing Amérika Lor (Colorado, lan liya-liyané). Kéwan iki uga karan kéwan sing paling spesial. Ukuran endhasé sing rélatif luwih cilik tinimbang ukuran sakabèhan awaké, guluné sing dawa, amarga akibat saka saya dawané balung guluné, kaya déné apa sing kedadèn karo jerapah sikil-sikilé sing dawa mèmper kaya sikil panggung, kanthi sikut lan dhengkulé sing dadi siji ing tingkat sing padha. Pérangan pucuk endhasé bisa nyandhak kira-kira 3 meteran (9,8 kaki) saka ngisor lemah.[1]

Bobot awak[besut | besut sumber]

Spésimèn cacah papat wis dipriksa kanggo mesthèkaké bobot awaké Aepycamelus déning M. Mendoza, CM. Janis, lan P. Palmqvist.[2] Saben spésimèn-spésimèn mau boboté:

  • Spésimèn 1: 721.3 kg (1,600 lb)
  • Spésimèn 2: 621 kg (1,400 lb)
  • Spésimèn 3: 574.7 kg (1,300 lb)
  • Spésimèn 4: 363.5 kg (800 lb)

Struktur awaké sing ora jamak nggawé akèh panemu ing antarané para èlmuwan ngenani mode urip lan pakulinan uripé. Jelas banget yèn aepycamelus iki manggon ing tlatah sing akèh suket garingé lan ing antarané tlatah sing akèh wit-witan dhuwuré. Aepycamelus dinuga pindhah-pindhah ing sajeroning golongan-golongan cilik, kaya déné jerapah saiki, aepycamelus uga golèk pangan ing wit-witan sing dhuwur. Para èlmuwan akèh sing mbedhèk yèn Aepycamelus iku ora duwé pesaing lan bisa slamet ing wektu sing suwé (urip sakdawané jaman Miosen lan diprakirakaké cures ing wiwitan jaman Pliosen, kaduga amarga owahing iklim).

Panyebaran fosil[besut | besut sumber]

Fosil Aepycamelus tinemu ing sakdawané tlatah Montana tekan Florida nganti tlatah California.

Cathetan sikil[besut | besut sumber]

  1. Palmer, D., ed. (1999). The Marshall Illustrated Encyclopedia of Dinosaurs and Prehistoric Animals. London: Marshall Editions. k. 277. ISBN 978-1-84028-152-1. 
  2. M. Mendoza, C. M. Janis, and P. Palmqvist. 2006. Estimating the body mass of extinct ungulates: a study on the use of multiple regression. Journal of Zoology 270(1):90-101