Menyang kontèn

ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ

Saka Wikipédia Jawa, bauwarna mardika basa Jawa
 
ꦗꦮ
   
ꦕꦸꦫꦸꦒ꧀ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ
Lokasiꦢꦺꦱ ꦱꦼꦥꦚ꧀ꦗꦁ, ꦏꦕꦩꦠ꧀ꦠꦤ꧀ ꦠꦮꦁꦩꦔꦸ, ꦏꦫꦁꦲꦚꦂ, ꦗꦮ ꦠꦼꦔꦃ, ꦆꦤ꧀ꦝꦺꦴꦤꦺꦱꦶꦪ
JinisPlunge
Dhuwur81 metres (266 ft)
Kaliꦏꦭꦶ ꦧ꧀ꦭꦸꦩ꧀ꦧꦁ
ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ

ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦏꦊꦧꦸ ꦱꦭꦃ ꦱꦶꦗꦶ ꦕꦸꦫꦸꦒ꧀ ꦲꦶꦁ ꦗꦮ ꦠꦼꦔꦃ.[1] ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦩꦁꦒꦺꦴꦤ꧀ ꦲꦶꦁ ꦠꦮꦁꦩꦔꦸ, ꦏꦫꦁꦲꦚꦂ, ꦗꦮ ꦠꦼꦔꦃ.[1] ꦕꦸꦫꦸꦒ꧀ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦩꦁꦒꦺꦴꦤ꧀ ꦲꦶꦁ ꦭꦺꦫꦺꦁ ꦒꦸꦤꦸꦁ ꦭꦮꦸ.[1] ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦩꦁꦒꦺꦴꦤ꧀ ꦏꦸꦫꦁ ꦭꦸꦮꦶꦃ 27 km ꦲꦶꦁ ꦱꦶꦱꦶꦃ ꦮꦺꦠꦤ꧀ ꦏꦸꦛ ꦏꦫꦁꦲꦚꦂ.[1] ꦕꦸꦫꦸꦒ꧀ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦏꦊꦧꦸ ꦥꦺꦫꦁꦔꦤ꧀ꦤꦶꦁ ꦲꦭꦱ꧀ ꦮꦶꦱꦠ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ.[1]

ꦲꦱꦭ꧀ ꦲꦸꦱꦸꦭ꧀ ꦤꦩ[besut | besut sumber]

ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦠꦼꦒꦼꦱ꧀ꦱꦺ ꦕꦸꦫꦸꦒ꧀ ꦱꦺꦮꦸ, ꦱꦤꦗꦤ꧀ ꦕꦸꦫꦸꦒ꧀ ꦲꦶꦁ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦕꦕꦃꦲꦺ ꦲꦺꦴꦫ ꦲꦤ ꦱꦺꦮꦸ, ꦤꦔꦶꦁ ꦲꦤ ꦲꦏꦺꦃ ꦠꦶꦠꦶꦏ꧀ ꦕꦸꦫꦸꦒ꧀ ꦏꦁ ꦧꦶꦱ ꦢꦶꦢꦼꦊꦁ ꦲꦶꦁ ꦏꦺꦤꦺ.[1] ꦲꦸꦒ ꦠꦼꦩ꧀ꦧꦸꦁ ꦱꦺꦮꦸ ꦲꦶꦁ ꦏꦺꦤꦺ ꦲꦶꦱ ꦢꦶꦒꦺꦴꦭꦺꦏ꧀ ꦠꦼꦒꦼꦱ꧀ ꦱꦏ ꦱꦺꦮꦸ ꦥꦼꦕꦏ꧀. ꦥꦼꦕꦏ꧀ ꦪꦲꦶꦏꦸ ꦱꦠꦸꦮꦤ꧀ ꦢꦮꦤꦺ ꦭꦤ꧀ ꦣꦸꦮꦸꦂꦫꦺ ꦕꦸꦫꦸꦒ꧀ ꦲꦸꦠꦮ ꦒꦿꦺꦴꦗꦺꦴꦒ꧀ꦒꦤ꧀. ꦱꦥꦼꦕꦏ꧀ ꦥꦣ ꦏꦫꦺꦴ ꦱꦠ꧀ꦭꦥꦏ꧀ ꦱꦶꦏꦶꦭ꧀ ꦮꦺꦴꦁ ꦢꦶꦮꦱ. ꦲꦶꦁ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ, ꦕꦸꦫꦸꦒ꧀ ꦲꦸꦠꦮ ꦒꦿꦺꦴꦗꦺꦴꦒ꧀ꦒꦤ꧀ ꦏꦁ ꦥꦭꦶꦁ ꦣꦸꦮꦸꦂ ꦲꦶꦏꦸ ꦣꦸꦮꦸꦂꦫꦺ ꦏꦸꦫꦁ ꦭꦸꦮꦶꦃ 80 ꦩꦺꦠꦼꦂ.[1] ꦲꦤ ꦲꦸꦒ ꦕꦸꦫꦸꦒ꧀ ꦏꦁ ꦲꦺꦴꦫ ꦫꦢ ꦣꦸꦮꦸꦂ ꦤꦔꦶꦁ ꦥꦚ꧀ꦕꦸꦂꦫꦤ꧀ꦤꦺ ꦲꦩ꧀ꦧ ꦭꦤ꧀ ꦲꦤ ꦕꦧꦁ-ꦕꦧꦁꦔꦺ.[1] ꦪꦺꦤ꧀ ꦭꦒꦶ ꦮꦪꦃ ꦲꦸꦢꦤ꧀, ꦲꦶꦁ ꦱꦲꦸꦧꦼꦁꦔꦺ ꦠꦼꦧꦶꦁ ꦧꦏꦭ꧀ ꦲꦤ ꦲꦸꦢꦤ꧀ ꦲꦲꦶꦂ ꦠꦼꦂꦗꦸꦤ꧀.[1] ꦤꦔꦶꦁ ꦤꦭꦶꦏ ꦩꦁꦱ ꦥꦤꦱ꧀, ꦲꦏꦺꦃ ꦕꦸꦫꦸꦒ꧀ ꦏꦁ ꦒꦫꦶꦁ.[1]

ꦲꦭꦱ꧀ ꦮꦶꦱꦠ[besut | besut sumber]

ꦲꦭꦱ꧀ ꦮꦶꦱꦠ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦲꦩ꧀ꦧꦤꦺ 20 ꦲꦺꦏ꧀ꦠꦂ.[2] ꦏꦮꦱ꧀ꦱꦤ꧀ ꦲꦭꦱ꧀ ꦲꦶꦏꦶ ꦲꦏꦺꦃ ꦲꦸꦫꦶꦥ꧀ ꦠꦸꦮꦸꦃꦲꦤ꧀ ꦲꦸꦠꦮ ꦮꦂꦤ-ꦮꦂꦤ ꦮꦶꦠ꧀, ꦏꦁ ꦢꦶꦲꦁꦒꦺꦴ ꦲꦺꦴꦩꦃ ꦏꦼꦛꦺꦏ꧀ ꦏꦁ ꦮꦶꦱ꧀ ꦗꦶꦤꦏ꧀.[2] ꦲꦏꦺꦃ ꦥ꦳ꦱꦶꦭꦶꦠꦱ꧀ ꦱꦏ ꦲꦭꦱ꧀ ꦮꦶꦱꦠ ꦲꦶꦏꦶ ꦪꦲꦶꦏꦸ ꦠꦩꦤ꧀ ꦧꦶꦤꦠꦁ ꦲꦸꦠꦤ꧀, ꦧꦺꦗꦶ, ꦥꦥꦤ꧀ ꦥꦁꦒꦺꦴꦤ꧀ꦤꦤ꧀ ꦏꦁꦒꦺꦴ ꦲꦶꦱ꧀ꦠꦶꦫꦲꦠ꧀, ꦏꦶꦪꦺꦴꦱ꧀ ꦥꦔꦤ꧀ꦤꦤ꧀, ꦏꦶꦪꦺꦴꦱ꧀ ꦮꦺꦴꦃ-ꦮꦺꦴꦃꦲꦤ꧀ ꦭꦤ꧀ ꦕꦶꦤ꧀ꦢꦿꦩꦠ, ꦭꦁꦒꦂ ꦭꦤ꧀ ꦏꦩꦂ ꦩꦤ꧀ꦝꦶ.[2] ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦏꦊꦧꦸ ꦥꦁꦒꦺꦴꦤ꧀ꦤꦤ꧀ ꦮꦶꦱꦠ ꦏꦁ ꦱꦸꦲꦸꦤꦺ ꦲꦣꦼꦩ꧀.[2] ꦱꦢꦸꦫꦸꦁꦔꦺ ꦠꦼꦏꦤ꧀ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦥꦫ ꦮꦶꦱꦠꦮꦤ꧀ ꦏꦸꦢꦸ ꦩꦸꦁꦒꦃ ꦲꦸꦤ꧀ꦝꦏ꧀-ꦲꦸꦤ꧀ꦝꦏ꧀ꦏꦤ꧀ ꦏꦁ ꦢꦢꦶ ꦢꦭꦤ꧀ ꦲꦶꦁ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ.[2] ꦲꦏꦺꦃ ꦗꦗꦤ꧀ꦤꦤ꧀ ꦏꦁ ꦧꦶꦱ ꦢꦢꦶ ꦲꦺꦴꦭꦺꦃ-ꦲꦺꦴꦭꦺꦃ ꦤꦭꦶꦏ ꦥꦶꦏ꧀ꦤꦶꦏ꧀ ꦲꦶꦁ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ.[2] ꦲꦶꦁ ꦏꦺꦴꦤꦺꦴ ꦲꦸꦒ ꦲꦤ ꦗꦫꦤ꧀ ꦏꦁ ꦥꦚ꧀ꦕꦺꦤ꧀ ꦢꦶꦱꦺꦮꦏ꧀ꦏꦏꦺ ꦏꦁꦒꦺꦴ ꦥꦫ ꦮꦶꦱꦠꦮꦤ꧀.[2]

ꦩꦶꦠꦺꦴꦱ꧀[besut | besut sumber]

ꦮꦶꦱꦠ ꦕꦸꦫꦸꦒ꧀ ꦒꦿꦺꦴꦗꦺꦴꦒ꧀ꦒꦤ꧀ꦱꦺꦮꦸ ꦲꦸꦒ ꦢꦸꦮꦺ ꦩꦶꦠꦺꦴꦱ꧀ ꦱꦏ ꦮꦂꦒ ꦏꦺꦴꦤꦺꦴ, ꦩꦶꦠꦺꦴꦱ꧀ ꦲꦶꦏꦶ ꦏꦁꦒꦺꦴ ꦥꦱꦁꦔꦤ꧀ ꦏꦁ ꦢꦸꦫꦸꦁ ꦤꦶꦏꦃ. ꦩꦶꦠꦺꦴꦱ꧀ꦱꦺ ꦪꦲꦶꦏꦸ ꦱꦥ ꦥꦱꦁꦔꦤ꧀ ꦏꦁ ꦢꦸꦫꦸꦁ ꦤꦶꦏꦃ ꦭꦤ꧀ ꦮꦤꦶ ꦔ꧀ꦭꦶꦮꦠ꧀ꦠꦶ ꦗꦼꦩ꧀ꦧꦠ꧀ꦠꦤ꧀ ꦲꦶꦁ ꦔꦉꦥ꧀ꦥꦺ ꦕꦸꦫꦸꦒ꧀, ꦩꦼꦁꦏꦺꦴ ꦲꦸꦧꦸꦁꦔꦤ꧀ꦤꦺ ꦧꦏꦭ꧀ ꦥꦼꦣꦺꦴꦠ꧀ ꦭꦤ꧀ ꦲꦺꦴꦫ ꦔꦤ꧀ꦠꦶ ꦥꦼꦂꦤꦶꦏꦃꦲꦤ꧀.

ꦫꦺꦥ꦳ꦺꦫꦺꦤ꧀ꦱꦶ[besut | besut sumber]

  1. a b c d e f g h i j Grojogan Sewu kumpulan.info Archived 2013-08-05 at the Wayback Machine.(dipunundhuh tanggal 15 Juni 2011)
  2. a b c d e f g Grojogan Sewu Tawangmangu teamtouring.net(dipunundhuh tanggal 15 Juni 2011)