Łódź

Lambang Łódź	Lokasi Łódź

Katrangan cekak

Provinsi: Lodz (łódzkie)

Jembar: 294 km²

Padunung: 774.004 jiwa (2005)

Pelat nomer kendaran motor: EL

Alamat
balé kutha: ul. Piotrkowska 104
90-926 Łódź

Situs wèb resmi: www.uml.lodz.pl

Pulitik

Walikutha: Hanna Zdanowska

Łódź (Jerman Lodsch utawa Litzmannstadt^[1]) iku siji kutha ing Polen. Kutha iki kang ndunungi 774.004 jiwa (2005) lan kutha kang gedhéné nomer loro ing Polen kamangka kutha iki sadurungé siji désa nganti kira-kira taun 1830.

Ing basa Polen, ‘Łódź’ tegesé prau. Mulané ing lambang kutha iki ana gambaré prau.

Sajarah

Łódź kaya déné kutha tani

Łódź pisanané muncul ing cathetan sajarah dhokumèn kang nyaosaké désa Łodzia marang biskop Włocławek ing taun 1332. Ing taun 1423 Ratu Władysław Jagiełło maringi hak-hak kutha ing désa Łódź. Wiwit iku nganti abad kaping 18 kutha iki tetep siji pamukiman cilik ing jalur dagang antara Masovia lan Silesia. Ing abad kaping 16 kutha iki kang ndunungi kurang saka 800 jiwa kang akèhé nyambut gawé dadi tani.

Nalika nagara Ketika Polen dipalih kapindho ing taun 1793 Łódź diwènèhaké Prusia mawa jenengé kang anyar ing éjaan Jerman, Lodsch. Ing taun 1798 wong Prusia nasionalisasi kutha iki lankutha iki kèlangan statusé mawa kutha biskop Kuyawia. Ing taun 1806 kutha iki digabungaké karo Praja Warsawa lan ing taun 1815 dadi péranganing Konggrès Polen kang dikontrol Ruslan.