Ula welang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ular Welang
Ula welang saka Benggala Utara, India
Klasifikasi èlmiah
krajan: Animalia
filum: Chordata
Subfilum: Vertebrata
kelas: Reptilia
ordo: Squamata
Suborder: Serpentes
kulawarga: Elapidae
Genus: Bungarus
Species: B. fasciatus
Jeneng binomial
Bungarus fasciatus
Schneider, 1801

Welang (Bungarus fasciatus) yaiku jeneng sajenis ula kang nduwèni upas anggota suku Elapidae. Biasa nyebuté minangka ula belang (Ind.) utawa oray belang (Sd.), jeneng kang rodok mbingungaké amerga digunakaké uga kanggo nyebut ula liyané kang serupa lan berkerabat cepak: ula weling (Bungarus candidus).

Kaloro ula iki pancèn mèh padha bentuk lan wernané. Jeneng welang lan weling nunjuk marang pola welang ireng-putih (utawa ireng-kuning) kang béda. Ing ula welang, belang irengé utuh arupa gelang saka punggung nganti weteng; anata ing ula weling belang irengé amung selang-seling werna ing bagéyan geger (dorsal), wondené wetengé (ventral) sekabèhané wernané putih. sajroné basa Inggris, ula welang dikenal minangka Banded Krait. Yènta jeneng ilmiahé, Bungarus fasciatus, asal saka tembung basa Telugu (India) bungarum kang artiné "emas", ngrujuk marang belang werna kuning ing awaké[1] , lan tembung basa Latin fasciata ang artine ‘berbelang’ (fascia, belang utawa pita).[2]

Pengenalan[sunting | sunting sumber]

Lukisan menurut Joseph Ewart (1878) dalam Poisonous Snakes of India

Ula kang ukurané pas-pasan, kanti dawa maksimum kang kacatet 2125 mm; ananging umumé ula diwasa namung sekitar 1,5 m utawa kurang. Sekitar sepersepuluh saka dawa iku yaiku buntuté, kang pucuké buntek. Bentuk awak mèh segitiga, kanti geger kang mbentuk sudut ing nduwur. Wernané jelas, belang-belang ireng kuning (utawa ireng putih), kurang luwih padha ambané antarané kaloro werna iku. Werna irengé terus nyambung nganti ing sisèh wetengé (deleng gambar no. 6 ing ngisor), kajobo ing sepertiga bagéyan ngarep awaké. Ndas amba lan gèpèng kanti pola ing nduwuré kaya anak panah kang wernané ireng (gambar no.2), lan lambé kang wernané kekuningan utawa keputihan kusem.[3][2]

Sisik-sisik dorsal (geger) sajroné 15 dèrèt ing tengah awak, sisik-sisik vertebral (ing nduwur balung geger) rodok gedhè lan béda bentuké saka sisik-sisik dorsal kang layané, mbentuk kaya gigir ing duwuré geger (gambar no 5). Sisik-sisik ventral (weteng) 200—234 iji, sisik anal tunggal, lan sisik-sisik subkaudal (ngisor weteng) 23—39 iji, ora berpasangan. Sisik-sisik labial (lambé) nduwur 7 iji, no-3 lan -4 ngemèk mata.[3]

Foto-foto untuk pengenalan[sunting | sunting sumber]

Jenis kang sarupa[sunting | sunting sumber]

Ula weling (Bungarus candidus) nduwèni bentuk awak lan werna kang mèh padha ula welang, nanging umumé luwih cilik lan ora nduwèni varian werna ireng-kuning. Belang irengé namung ing sisih duwur lan samping awak (dorsal, geger), lan werna putihé ana bintik-bintik irengé. buntut cilik dawa lan lancip.

Ula serigala Lycodon subcinctus kang enom nduwèni bentuk lan werna padha ula weling, namung belang irengé luwih amba daripada putihé.

Ula cincin mas (Boiga dendrophila) wernané ireng belang kuning, ananging werna kuningé luwih ciut lan wetengé wernané ireng kabèh.

Pira-pira jenis ula laut wernané belang putih-ireng utawa putih-rodok ireng lan kadang-kadang ditemokaké munggah marang panté, nanging kabèh ula laut gampang dibédakaké karo ula kang ana ing daratan amerga bentuk buntuté kang gèpèng kaya dayung.

Penyebaran, habitat lan perilaku[sunting | sunting sumber]

Ula welang ing semak-semak.

Ula welang dingertèni nyebar mulai saka India, Bhutan, Nepal, Bangladesh, Cina bageyan kidul (kalebu Hong Kong, Hainan, lan Makao), Burma, Thailand, Laos, Vietnam, Kamboja, Semenanjung Malaya, Singapura, lan Indonesia (Sumatra, Jawa, Borneo).[4]

Sebaran ula iki ngliputi wilayah-wilayah cepak panté nganti daerah gunung-gunung kurang-kurangé nganti ketinggian sekitar 2.300 m, nanging umumé luwih kerep ditemoni ing dataran endèk. Ula welang manggoni wilayah-wilayah perbatasan antarané alas dataran endèk kang lembap karo kang luwih garing, alsa-alas pegunungan, semak belukar, rawa-rawa, daérah pertanian, perkebunan lan persawahan. Kerep uga ditemoni cepak pemukiman, dalan gedhé utawa kali.[5]

Pakanané utama yaiku jenis-jenis ula lainé, senajan ula iki gelem uga mangan werna-werna jenis reptil, kodok, lan kadang-kadang iwak, lan endog. Ula welang utama aktif golèk pakan ing wayah wengi (nokturnal) ing nduwur lemah (terestrial), lan ing wayah awan umpetan ing ngisor tumpukan kayu utawa watu.[5] Ing India, ula iki dingertèni turu ing suket-suket kang duwur, bolongan-bolongan lan uga ing saluran banyu..[1]

Amung sitik kang dingertèni babagan anggoné manak. Ing Burma, sajroné salah sijiné penggalian, salah sijiné ula wedok ditemokaké lagi angkrem patang iji, kang sabanjure netes ing wulan Mei. Anakané kang entes netes ukurané sekitar 298—311 mm.[6]

Dilaporaké yèn ula iki umumé lulut lan ora gelem nyokot wong ing wayah awan, ananging agresif ing wayah wengi. Yèn diganggu, biasané ula iki bakal ngumpetaké endasé ing ngisor tumpukan awaké.[3][2] . Ula welang dikategorikaké mbebayani banget amerga upasé kang sifaté matèni, senajan laporan kematian ing manungsa akibat cokotan ula iki isih endèk.[5][1]

Cathetan Sikil[sunting | sunting sumber]

  1. ^ a b c Daniel, J.C. 1992. The Book of Indian Reptiles. Bombay Nat. Hist. Soc. and Oxford Univ. Press. Bombay. pp. 109-110. ISBN 0-19-562168-9
  2. ^ a b c Stuebing, R.B. & R.F. Inger. 1999. A Field Guide to The Snakes of Borneo. Natural History Publications (Borneo). Kota Kinabalu. p. 189-191. ISBN 983-812-031-6
  3. ^ a b c Tweedie, M.W.F. 1983. The Snakes of Malaya. The Singapore National Printers. Singapore. p.38. (Kaunduh 11/11/12)
  4. ^ Bungarus fasciatus pada The Reptile Database (Kaunduh 11/11/12)
  5. ^ a b c David, P and G. Vogel. 1996. The Snakes of Sumatra. An annotated checklist and key with natural history. Edition Chimaira. Frankfurt. p.143-144. ISBN 3-930612-08-9
  6. ^ Evans, G.H. 1906. Breeding of the banded krait (Bungarus fasciatus) in Burma. J. Bombay Nat. Hist. Soc. 16:519-520 seperti dikutip oleh Daniels, J.C. 2002. Book of Indian Reptiles and Amphibians References, ser no 28, pg 219.
Sumber artikel punika saking kaca situs web: "http://jv.wikipedia.org/w/index.php?title=Ula_welang&oldid=835491"