Ula tambang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ular Tambang
Ular tambang, Dendrelaphis pictus
dari Darmaga, Bogor
Klasifikasi èlmiah
krajan: Animalia
filum: Chordata
kelas: Reptilia
ordo: Squamata
Suborder: Serpentes
kulawarga: Colubridae
Genus: Dendrelaphis
Species: D. pictus
Jeneng binomial
Dendrelaphis pictus
(Gmelin, 1789)
Sinonim

Dendrophis pictus

Ula tambang (Dendrelaphis pictus) yaiku sajenis ula cilik saka suku Colubridae. Sacara umum, ula iki uga disebut kanti jeneng ula tali, ula tampar utawa ula tlampar (tampar utawa tlampar, tali). Ing daérah Toraja ula iki dijenengi duwata utawa ule lewora.[1] sajroné basa Inggris dikenal minangka Gmelin’s Bronzeback utawa Painted Bronzeback, ngrujuk ing werna-wernané kang jelas lan apik (pictus, painted, = kaya lukisan). Ula tambang nyebar mulai saka India nganti marang Asia Tenggara, kalebu Kepuloan Nusantara ing wétan nganti Maluku.

Pengenalan[sunting | sunting sumber]

Dendre pict 080410-6996 tdp.jpg

Ula kang gering lan ramping, dawa ngati kira-kira 1,5 m; senajan ing umumé kurang saka iku. Buntuté dawa, nganti seperteluné saka dawa awak sekabèané.[2]

Coklat zaitun kaya logam perunggu ing bagéyan gegeré. Ing kabèh bagéyan ngisor awak ana pita tipis kuning terang keputihan, dipisahaké saka sisik ventral (weteng) kang sewarna dening salah sijiné garis ireng tipis dawa nganti pucuk buntuté. Ndas kecoklatan perunggu ing sebelah nduwur, lan kuning terang ing lambé lan janggut; ditengahi dening corèt ireng mulai saka pipi kang ngléwati mata lan ambyar ing pelipis mburi, banjur pecah dadi noktah-noktah kang gedhé lan burem ing gulu bagiyan mburi. Ana werna-werna bintik-bintik ijo terang kebiruan ing bagiyan gulu nganti awak bagiyan rai, kang biasané umpetan ing ngisor sisik-sisik ireng utawa perunggu lan kétok jelas yèn ula ngrasa kaancem. Sisik-sisik ventral putih kekuningan utawa keijoan.[2][3]


Sisik vertebrale kang selot gedhé

Sisik-sisik dorsal sajroné 15 dèrèt ing bagiyan tengah awak; sisik-sisik vertebral selot gedhé, nanging ora luwih gedhé saka derèt sisik dorsal kang pertama (paling ngisor). Perisai labial 9 iji (langka 8 utawa 10), kang no 5 dan 6 (kadang-kadang uga kang no 4) ngemèk mata. Sisik-sisik ventral 167–200 iji, sisik anal sepasang, sisik-sisik subkaudal (ngisor buntut) 127–164 iji.[3]

Mata gedhi, diamèteré padha dawa karo jaraké marang bolongan irung. Anak mata bunder ireng; perisai preokular siji lan postokular rong iji. Perisai rostral amba, katon saka sebelah nduwur; perisai internasal padha dawané utawa rodok cendak saka perisai prefrontal; perisai frontal padha dawané karo jarake marang pucuuk moncongé, ananging luwih cendak saka perisai parietal; perisai loreal dawa. Perisai temporal kasusun 2 + 2, 1 + 1 utawa 1 + 2.[1] Ilate wernane abang.

Kebiasaan[sunting | sunting sumber]

Ilate wernané abang

Ula kang urip ing wit, ananging kerep uga mudun ing lemah kanggo golèk mangsa kodok utawa kadal kang dadi menu utamané. Uga kerep katon nggelung ing semak-semak utawa njalar ing antarané suket-suket kang duwur.

Ula tambang manggoni alas-alas ing dataran éndèk lan pegunungan nganti keduwuran luwih saka 1350 m. Ular iki nyenengi daerah-daerah terbuka, pinggiran alas, kebon, wanatani campuran, belukar lan pinggir sawah.[4] Kerep uga ditemukaké ngrambat ing pager tanduran ing pekarangan, lan kanti cepet lan gesit mlaku ing sela-selané godhong lan satang kanggo ngindari manungsa.

Anak jenis[sunting | sunting sumber]

Sisik-sisik ventral kang berlunas lan bertakik, gampangaké kanggo mènèk wit

Dendrelaphis pictus nduwèni anak anak jenis. Ing antarané[4]:

Pira-pira paneliti nganggep yèn anak jenis intermedius yaiku sinonim saka inornatus.[4]




Cathetan Sikil[sunting | sunting sumber]

  1. ^ a b Rooij, N. de. 1917. The Reptiles of Indo Australian Archipelago. II. Ophidia. E.J. Brill, Leiden. p. 58-60
  2. ^ a b Stuebing, R.B. & R.F. Inger. 1999. A Field Guide to The Snakes of Borneo. Natural History Publications (Borneo). Kota Kinabalu. p. 140-141. ISBN 983-812-031-6
  3. ^ a b Tweedie, M.W.F. 1983. The Snakes of Malaya. The Singapore National Printers. Singapore. p.63.
  4. ^ a b c David, P and G. Vogel. 1996. The Snakes of Sumatra. An annotated checklist and key with natural history. Edition Chimaira. Frankfurt. p.76-78. ISBN 3-930612-08-9
Sumber artikel punika saking kaca situs web: "http://jv.wikipedia.org/w/index.php?title=Ula_tambang&oldid=835412"