Zaitun

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Zaitun
Olea europaea, Laut Mati, Yordania
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Lamiales
kulawarga: Oleaceae
Genus: Olea
Species: O. europaea
Jeneng binomial
Olea europaea
L.

Zaitun (Olea Europaea) yakuwi wit cilik taunan lan wernané ijo, ora ana owah-owahane, utawa sinebut ijo abadi. Wohé yèn isih enom bisa dimaem mentah utawa sawisé diawètaké bisa dadi penyegar. Tanduran iki isih sakeluwarga karo tanduran kembang mlathi. Zaitun wiwit woh nalika umuré wis limang taunan lan umuré wit bisa nganti éwonan taun. Wité dhuwuré undakara 8-15 meter. Déné ambané godhong wataran 4-19cm, lan duwé kembang rupané putih sarta woh kang ukurané kira-kira 1-2,5 cm. Panyebarané zaitun ana ing dhaérah-dhaérah iklim panas nganti iklim sedheng. Pang zaitun kang ana godhongé wis suwé diénggo simbol katentreman.

Paédah[sunting | sunting sumber]

Paedahé zaitun antara liya:

  • Woh zaitun kena kanggo panganan, uga bisa kanggo penyedhap masakan.
  • Kulit bagéyan njaba saka wohé ngandhut 60-70% lenga.
  • Lenga zaitun ngandhut asam lemak jenuh (asam palmitat, asam stearat, asam arachidat, asam miristat lan lignoserat kanthi gunggung sing sithik), asam lemak ora jenuh mono, asam lemak ora jenuh poli, vitamin E, lan vitamin K.
  • Asam lemak ora jauh kuwi migunani kanggo nyuda cacahé kolèsterol èlèk kang ana ing awak. Saliyané iku kandhutan kang ana ing lenga Zaitun bisa njaga kaséhatan pembuluh getih ing jantung, saéngga ngédhunaké résiko penyakit koronèr.
  • Nggosokaké lenga zaitun kanthi ajeg ing kulit bisa marakaké kulit alus lan nglembabaké kulit.
  • Menawa dienggo ing rambut bisa ngetelaké rambut uga bisa kanggo laksatif utawa mbiyantu bebuwang. Nyuda angka pati.
  • Risèt nuduhaké menawa pendhudhuk Albania kang ngonsumsi zaitun duwé angka pati kang paling sithik ing Eropah.
  • Nyuda panganggoné obat-obatan panyuda tekanan getih dhuwur amarga zaitun duwé andhil ngontrol tekanan getih, sarta bisa nyuda serangan kanker.
  • Lenga zaitun duwé paédah kaya Asi amarga lemak kang ana ing Asi uga ana ing lenga Zaitun, lan bisa nyuda lara sendhi. Sarta bisa matèni tuma (kutu ing sirah), nyegah ketombé, lan gatel ing kulit sirah.
  • Bisa kanggo bahan kosmetika, lan bisa njaga wangun serta kencengé payudara.

Subspesies[sunting | sunting sumber]

Ana enem subspesies alamiah sing sumebar ing donya:[1]

  • Olea europaea subsp. europaea (Mediterranean Basin)
  • Olea europaea subsp. cuspidata (saka Afrika Kidul, Afrika Wétan, Arabia nganti South West China)
  • Olea europaea subsp. guanchica (Canaries)
  • Olea europaea subsp. cerasiformis (Madeira)
  • Olea europaea subsp. maroccana Maroko
  • Olea europaea subsp. laperrinei (Algeria, Sudan, Niger)

Prodhuksi[sunting | sunting sumber]

Negara pengasil utama Zaitun (Taun 2009 per FAOSTAT)
Ranking Negara/Region Prodhuksi
(jroning ton)
Jembar kebon
(jroning hèktar)
Asil
(q/Ha)
Donya 18,241,809 9,922,836 18.383
1 Flag of Spain Spain 6,204,700 2,500,000 24.818
2 Flag of Italia Italy 3,600,500 1,159,000 31.065
3 Flag of Yunani Greece 2,444,230 (2007) 765,000 31.4
4 Flag of Turki Turkey 1,290,654 727,513 17.740
5 Flag of Syria Syria 885,942 635,691 13.936
6 Flag of Maroko Morocco 770,000 550,000 14.000
7 Flag of Tunisia Tunisia 750,000 2,300,000 3.260
8 Flag of Mesir Egypt 500,000 110,000 45.454
9 Flag of Aljazair Algeria 475,182 288,442 16.474
10 Flag of Portugal Portugal 362,600 380,700 9.524
11 Flag of Libya Libya 180,000
12 Flag of Argentina Argentina 160,000 52,000 30.769

Galeri[sunting | sunting sumber]

Rujukan[sunting | sunting sumber]

  1. ^ Green PS (2002) A revision of Olea L. Kew Bulletin 57:91–140; Besnard G, Rubio de Casas R, Christin PA, Vargas P (2009) Phylogenetics of Olea (Oleaceae) based on plastid and nuclear ribosomal DNA sequences: Tertiary climatic shifts and lineage differentiation times. Annals of Botany 104, 143-160

Pranala jaba[sunting | sunting sumber]

Wiktionary-logo-en.png
Pirsani informasi ngenani Zaitun ing KamusWiki.
Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Zaitun&oldid=829167"