Puring

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Codiaeum variegatum
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Malpighiales
kulawarga: Euphorbiaceae
Genus: Codiaeum
Species: C. variegatum
Jeneng binomial
Codiaeum variegatum
(L.) A.Juss.

Puring utawa Codiaeum variegatum, kerep uga disebut croton, utawa variegated croton, kuwi species tanduran saka Genus ''Codiaeum'', lan kalebu famili Euphorbiaceae.[1] Biasa dadi tanduran pethètan.[1] Ing alam bébas, grumbul puring dhuwuré bisa nganti telung mèter lan nduwèni godhong kang amba, alus lan gilap.[1] Puring kang ditandur umumé luwih cilik sarta wangun lan wernané godhong akèh banget jenisé.[1] Ana atusan jenis puring kang akèh tinemu ing Indonésia, sing kalebu jenis anyar antara liya: Puring Kura-kura, Puring Apel Abang, Puring Apel Ijo, Puring Logam, Puring Kobra, Puring Jèngkol, Puring Dasi, Puring Keris, Puring Walèt, Puring Oskar, Puring Concord, Puring Krupuk, Puring Cakwé, Puring Bor, Puring Madu, Puring Papua, Puring Malang, Puring Kaca, Puring Koin, Puring Lélé, Puring Raja, Puring Koi, Puring Bali, Puring Srilangka, Puring Terang Bulan, Puring Pancawarna, Puring apel,puring anggur, puring anting raja,puring bor,puring cabe hijau,puring ekor jago, puring emping, puring jet kuning, puring jét orange, lan liya-liyané.[1]


Puring nduwéni corak lan motif godhong kang akeh.[2] Tanduran iki bisa dadi tanduran hias ing pot lan bisa dadi pager tanduran.[2] Kaéndahan tanduran iki ana ing variasi werna lan gedhé ciliké corak godhongé kayata corak brintik utawa trotil-trotol lan garis.[2] Werna godhongé uga macemé akéh, kayata ijo rada kuning, oren, abang rada ungu.[2] Saya tuwa tanduran iki wernané saya cetha lan kandel.[2] Ana uga puring kang nduwéni loro nganti telun werna saben godhongé, kayata werna abang ijo, lan kuning.[2] Godhong puring ana kang bentuké huruf z, manuk walet, kriting spiral lan liya-liyané. [2]


Dhuwuré puring kurang luwih 5 meter, nanging puring uga bisa dipasang ing pot.[2] Cara nengkaraké puring bisa kanthi stek lan cangkok.[2] Yen lagi wayah panas, puring bisa disiran sedina sepisan. [2]Media kanggo nandur puring yaiku lemah lan bisa uga dicampur pupuk lan pasir.[2]

Penyakit kang nyerang puring biyasané semut lan kutu putih.[3] Kanggo mateni semut lan kutu putih bisa nganggo semprotan srangga uta inséktisida.[3]

Akeh Gunane[sunting | sunting sumber]

  1. Puring bisa nyerep gas racun kang mbebayani tumprap kaséhatan.[1]
  2. Kanggo pager urip ing latar omah lan dalan-dalan.[1]
  3. Kanggo tanduran hias. Yen kena srengéngé, puring saya cerah lan katon apik.[1]
  4. Kanggo obat, godhong ijo kang wis tua digodhog lan dienggo adus utawa diombe kanggo obat mriang lan awak panas.[1] Oyote yen digodhog uga kena kanggo obat pencahar.[1]

Tanduran puring asale saka Maluku.[1]

Cara nangkaraké[sunting | sunting sumber]

Puring bisa ditangkaraké kanthi cara kang gampang.[4] Pangé bisa distèk utawa dicangkok.[4] Saliyané kuwi wektu thukulé ora pati suwé lan kasilé 100 % padha karo indukané. [4]

Tanduran kanthi wit utawa pang kang atos kaya puring iki pancèn bisa nangkar kanthi penyerbukan alami.[5] Nanging butuh wektu suwé lan wiji kang dikasilaké uga ora bisa stabil, kadhangkala akèh kadhangkala sithik.[5] Uga anakan saka wiji ana kamungkinan ora padha karo indhukané.[5]

Delengen uga[sunting | sunting sumber]

Chatetan Suku[sunting | sunting sumber]

  1. ^ a b c d e f g h i j k (id) Tabloid Nova(dipunundhuh tanggal 13 April 2011)
  2. ^ a b c d e f g h i j k (id) Kebokembang.com(dipunundhuh tanggal 13 April 2011)
  3. ^ a b (id) Profil tanaman(dipunundhuh tanggal 13 April 2011)
  4. ^ a b c (id)Bukukita.com(dipunundhuh tanggal 13 April 2011)
  5. ^ a b c (id) Langit-langit.com:Trik Perbanyakan Puring Langitlangit.com(dipunundhuh tanggal 13 April 2011)

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Puring&oldid=814166"