Masjid Al Aqsa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Masjid al-Aqsa
Israel-2013-Jerusalem-Temple Mount-Al-Aqsa Mosque (NE exposure).jpg
Informasi dhasar
Dunung Al-Haram asy-Syarif, Yerusalem
Koordinat geografi koordinat 31°46'35N 35°14'8E
Afiliasi agama Islam
Dhistrik Kutha lawas Yerusalem
Status eklesiastik Masjid
Kapemimpinan Wakaf
Dhèskripsi arsitèktur
Jinis arsitèktur Masjid
Gaya arsitèktur Islam wiwitan
Arah facade lor
Pambukaan lemah 685 CE (Konstruksi Pisanan)
1033 CE (Konstruksi Kapindho)
Taun rampung 705 CE ((Konstruksi Pisanan)
1035 CE (Konstruksi Kapindho)
Spesifikasi
Kapasitas 5,000 (jero); 400,000 (jaba)[1]
Dawa 83 meter (272 kaki)
Amba 56 meter (184 kaki)
Kubah 1
Menara 4
Dhuwur menara 37 meter (121 kaki)
Bahan Limestone (external walls, minaret, facade) stalactite (minaret), lead (dome), white marble (interior columns)

Masjid Al-Aqsha (Arab: المسجد الاقصى , Al-Masjid Al-Aqsa, makna harfiah: "masjid paling adoh") iku salah siji wangunan sing dadi bagéyan saka komplèks wangunan suci ing Kutha lawas Yerusalem (Yerusalem Wétan) sing dikenal kanthi jeneng Al-Haram asy-Syarif kanggoné umat Islam lan kanthi jeneng Har Ha-Bayit (Bukit Baitallah (?) Temple Mount) kanggoné umat Yahudi lan Nasrani.

Literatur Muslim(Al Quran nul karim ) nyatakaké yèn Nabi Muhammad SAW diangkat menyang Sidratul Muntaha saka lokasi iki ing taun 621 Masèhi, andadèkaké masjid iki minangka panggonan suci kanggoné umat Islam (pirsani Isra' Mi'raj.)

Masjid Al-Aqsa sing biyèné diarani Baitul Maqdis, minangka kiblat shalat umat Islam sing sepisanan sadurungé dialihaké menyang Ka'bah ing sajroning Masjid Al Haram. Umat Muslim ngadhep kiblat menyang Baitul Maqdis sajroning Nabi Muhammad ngajaraké Islam ing Mekkah (13 taun) nganti 17 wulan sawisé hijrah menyang Madinah. Sawisé kuwi kiblat shalat dadi Ka'bah ing jero Masjid Al Haram, Mekkah nganti saiki.

Masjid Al-Aqsa wektu iki arupa masjid sing diwangun sacara permanèn déning Khalifah Abdul Malik bin Marwan saka Kekhalifahan Umayyah (Dinasti Bani Umayyah) ing taun 66 H lan rampung taun 73 H. Rada béda karo pangertèn Masjid Al-Aqsa jroning prastawa Isra' Mi'raj (Q.S. Al Israa’:1) yaiku nyakup kabèh kawasan Al-Haram asy-Syarif.

Kobongan Masjid Al-Aqsa tanggal 21 Agustus 1969 wis nyurung madegé Organisasi Konferensi Islam sing wektu iki anggotané ana 57 negara. Pangobongan kasebut uga nyebabaké sawijining mimbar kuna sing jenengé "Shalahuddin Al-Ayyubi" kobong nganti entèk. Dinasti Bani Hasyim, panguwasa Krajaan Yordania wis ngganti nganggo mimbar gawéyan Jepara, Indonésia[2][3] . Kulawarga Bani Hasyim, sing isih tetalèn getih karo Nabi Muhammad miturut tradhisi minangka kulawarga sing tanggungjawab njaga papan panggonan suci Islam ing kawasan kasebut.

Etimologi[sunting | sunting sumber]

Jeneng Masjid al-Aqsa yèn diterjemahaké saka basa Arab jroning Basa Jawa, maknané "masjid paling adoh". Jeneng iki asal saka katrangan jroning Al-Qur'an ing Surat Al-Isra' ayat 1 ngenani Isra Mi'raj. Isra Mi'raj yaiku lelungan sing dilakoni Muhammad saka Masjid Al Haram tunuju Masjid Al-Aqsa, lan sabanjuré munggah menyang swarga.[1][4] Jroning kitab Shahih Bukhari dipratélakaké yèn Muhammad jroning lelungan kasebut nitih Al-Buraq.[5] Istilah "paling adoh" dipigunakaké kanthi kontèks sing tegesé "paling adoh saka Mekkah".[6]

Sajroning atusan taun sing dimaksud Masjid al-Aqsa sakbeneré ora mung masjid waé, nanging uga tlatah saubengé bangunan iku sing dianggep minangka sawijining papan sing suci. Owah-owahan panyebutan kedadéyan ing mangsa pamaréntahan kasultanan Utsmaniyah (kira-kira abad ka-16 nganti wiwitan 1918), yakuwi aréa komplèks di saubengé masjid disebut minangka Al-Haram Asy-Syarif, déné bangunan masjid sing diadegaké déning Umar bin Khattab disebut Jami' Al-Aqsa utawa Masjid Al-Aqsa.[7]

Wigati tumrap agama Islam[sunting | sunting sumber]

Istilah "Masjid al-Aqsa" jroning Islam ora mung winates ing pangertèn masjid waé, ananging kalebu kabèh Al-Haram Asy-Syarif (Bukit Omah Suci).[8] Masjid iki dikenal minangka omah ibadah kaloro sing dibangun sawisé Masjid Al-Haram ing Mekkah. Imam Muslim mratélakaké hadits sing diriwayataké saka Abu Dzar Al-Ghifari:

Aku takon marang Rasulullah saw. ngenani masjid sing wiwitan dibangun ing bumi iki.
Rasulullah saw. ngendika: "Masjid Al-Haram".
Aku takon: "Lajeng masjid pundi?"
Rasulullah saw. ngendika: "Masjid Al-Aqsa".
Aku takon: "Pinten wekdal antawis kakalihipun?"
Rasulullah saw. ngendika: "Patang puluh taun. Banjur kabèh bumi Allah minangka papan sujud kanggomu. Mula ing ngendi waé yèn wis wektu shalat, shalat-a".[9][10]

Jroning lelungan wengi tumuju Baitul Maqdis (Yerusalem), Muhammad nitih Al-Buraq lan sarawuhé banjur shalat rong rakaat ing Bukit Omah Suci. Sawisé rampung shalat, malaikat Jibril ngajak munggah menyang surga, lan ketemu karo sawetara nabi liyané, lan sabanjuré nampa printah saka Allah sing netepaké kewajiban tumrap umat Islam supaya ngayahi shalat limang wektu saben dinané.[11][12] Muhammad banjur bali menyang Mekkah.

Masjid Al-Aqsa dikenal minangka "masjid paling adoh" jroning surat Al-Isra jroning Al-Qur'an.[13] Lokasiné miturut tradhisi umat Islam ditafsiraké minangka situs Al-Haram Asy-Syarif ing Yerusalem, ing ngendi madeg sawijining masjid kanthi jeneng iki. Miturut tradhisi iki, istilah masjid sing jroning basa Arab sacara harfiah tegesé "papan sujud",[14] uga bisa ngarujuk marang panggonan-panggonan ibadah monoteistik liyané kaya Haikal Sulaiman, sing jroning Al-Qur'an uga disebut kanthi istilah masjid.[15] Para sajarawan donya kulon Heribert Busse lan Neal Robinson nduwèni panemuyèn iku penafsiran sing dikarepaké.[16][17]

Maimunah binti Sa’ad jroning hadits ngenani ziarah menyang Masjid Al-Aqsa nyebutaké: "Ya Nabi Allah, wènèhna fatwa marang aku ngenani Baitul Maqdis". Nabi ngendika, "Panggonan dikumpulaké saka disebaraké (manungsa). Mula tekanana lan shalat ing jeroné. Amarga shalat ing jeroné kaya shalat 1.000 rakaat ing panggonan liya ". Maimunah takon manèh: "Kadospundi manawi kula botensaged ". "Mula wènèhana lenga kanggo madhangi. Sing sapa mènèhi iku kaya-kaya wong iku wis nekani panggonan iku."[18][19][20]

Kiblat sepisanan[sunting | sunting sumber]

Sajarah wigati Masjid Al-Aqsa jroning agama Islam uga antuk panekanan amarga umat Islam nalika shalat naté madhep kiblat arah menyang Al-Aqsa nganti patbelas utawa pitulas sasi [21] sawisé prastawa hijrah menyang Madinah taun 624.[22] Menurut Allamah Thabathaba'i, Allah nyiapaké umat Islam kanggo pindhah kiblat kasebut, pisanan kanthi ngungkapaké kisah ngenani Ibrahim lan putrané Ismail, donga-dongané kanggo Ka'bah lan Mekkah, upayané mbangun Baitullah (Ka'bah), sarta préntah ngresiki kanggo dipigunakaké minangka papan ibadah marang Allah. Sabanjuré diturunaké ayat-ayat Al-Qur'an sing mrintahaké umat Islam supaya ngadhep arah Masjid Al-Haram nalika shalat.[11]

Owah-owahan arah kiblat minangka alesan kena apa Umar bin Khattab, salah siji Khulafaur Rasyidin, ora shalat ngadhep watu Ash-Shakhrah ing Bukit Omah Suci utawa mbangun bangunan ing saubengé; senajan nalika Umar rawuh ing kana taun 638, panjenengané ngenali watu kasebut sing diyakini minangka papan Muhammad miwiti lelungan munggah menyang swarga. Bab iki amarga miturut yurisprudensi Islam, sawisé arah kiblat wis pindhah, Kab'ah ing Mekkah wis dadi luwih wigati tinimbang papan watu Ash-Shakhrah ing Bukit omah Suci kasebut.[23]

Miturut riwayat-riwayat sing umum dikenal jroning tradhisi Islam, Umar mlebu Yerusalem sawisé penaklukan ing taun 638. Dicaritakaké yèn panjenengané ngendika karo Ka'ab Al-Ahbar, wong Yahudi sing wis mlebu Islam lan mèlu rawuh bebarengan saka Madinah, ngenani papan paling apik kanggo mbangun masjid. Al-Ahbar mrayogakaké supaya masjid dibangun ing samburiné watu Ash-Shakhrah "... mula kabèh Al-Quds (dumunung) ing ngarep panjenengan ". Umar ngendika, "Ka'ab, Panjenengan wis niru ajaran Yahudi".[24] Senadyan mangkono, sawisé pacelathon kuwi Umar nganggo jubahé miwiti ngresiki papan sing wis dikebaki runtah lan puing-puing kasebut. Semono uga kaum Muslim pengikuté mèlu ngresiki panggonan kasebut. Umar banjur ngayahi shalat ing papan sing diyakini minangka papan shalat Muhammad wektu Isra Mi'raj, lan Umar ing panggonan kasebut maca ayat-ayat Al-Qur'an saka Surat Sad.[23] Mula saka kuwi, miturut riwayat kasebut Umar dianggep wis nyucèkaké manèh situs kasebut minangka masjid.[25]

Ngèlingi kasucèn Bukit Omah Suci, minangka papan sing dipercaya naté dipigunakaké ndonga déning Ibrahim, Daud, lan Sulaiman, mula Umar ngadegaké siji omah ibadah cilik ing pojok sisih kidul area kasebut. Sacara ati-ati panjenengané ngéndhani supaya watu Ash-Shakhrah ora dumunung ing antara masjid iku lan Ka'bah, saéngga umat Islam mung bakal ngadhep arah Mekkah waé nalika ngayahi ibadah shalat.[23]

Status religius[sunting | sunting sumber]

Gambar ing témbok sawijining omah ing Tunisia, nampilaké telu papan suci Islam.

Yerusalem déning akèh kalangan umat Islam dianggep minangka panggonan sing suci, sarujuk karo penafsiran saka ayat-ayat suci Al-Qur'an lan manéka hadist. Abdallah El-Khatib nduweni panemu yèn kira-kira ana pitung puluh papan jroning Al-Qur'an ing ngendi Yerusalem disebutaké sacara kasirat.[26] Yerusalem uga kerep disebut-sebut jroning kitab-kitab hadist. Sawetara akademisi nduwèni panemu yèn status kasucèn Yerusalem manawa dipengaruhi déning tuwuhing panyebaran sajinis genre sastra tinamtu, yaiku Al-Fadhail (sajarah kutha-kutha); saéngga kaum Muslim sing kainspirasi, khususé sajroning période Umayyah, ngangkat status kasucèn kutha iku ngluwihi statusé miturut kitab suci.[27] Akademisi-akademisi lainnya mempertanyakan keberadaan motif-motif politik Dinasti Umayyah, sehingga Yerusalem kemudian dianggap suci bagi umat Islam.[28]

Naskah-naskah abad tengahan, kayadéné uga tulisan-tulisan politis era modhèrn, kapara mapanaké Masjid Al-Aqsa minangka papan suci katelu tumrap umat Islam.[29] Contoné, kitab Sahih Bukhari ngutip Abu Hurairah saka Nabi Muhammad SAW, sing martakaké: "Aja nganti lelungan iku ngabotaké (panjenengan) kajaba menyang telu masjid yaiku Masjid Al-Haram, Masjid Rasulullah SAW, lan Masjid Al Aqsa".[30] Saliyané kuwi, Organisasi Konferensi Islam (sing alesan ngadegaké “kanggo mbébasaké Al-Aqsa saka pendhudhukan Zionis [Israel]") nyebut Masjid Al Aqsa jroning sawijining résolusi sing ngutuk tindakan-tindakan Israel ing kutha iku, minangka papan paling suci katelu tumrap umat Islam.[31]

Referensi[sunting | sunting sumber]

  1. ^ a b "Al-Aqsa Mosque, Jerusalem". Atlas Travel and Tourist Agency. http://www.atlastours.net/holyland/al_aqsa_mosque.html. Retrieved 2008-06-29.
  2. ^ "Indonesia Harus Bawa Isu Al-Aqsa di Forum OKI" (in Bahasa Indonesia). Okezone. http://news.okezone.com/read/2010/06/09/337/340947/indonesia-harus-bawa-isu-al-aqsa-di-forum-oki.
  3. ^ "Mihrab Dari Jepara" (in Bahasa Indonesia). Tribun Kaltim. http://www.tribunkaltim.co.id/read/artikel/1841.
  4. ^ "Lailat al Miraj", BBC News, BBC MMVIII. diaksès tanggal 29 June 2008. 
  5. ^ Sahih al-Bukhari 5, 58, 227
  6. ^ Chiffolo, Anthony F. Dome of the Rock and El-Aqsa Mosque Divine Nature.
  7. ^ Jarrar, Sabri (1998). Gülru Necipoğlu. ed. Muqarnas: An Annual on the Visual Culture of the Islamic World (Ilustrasi, anotasi ed.). BRILL. p. 85. ISBN 9004110844, 9789004110847. http://books.google.com/?id=FG6ZlkRjD2IC&pg=PA85&dq=aqsa+haram+sharif&cd=6#v=onepage&q=aqsa%20haram%20sharif.
  8. ^ Saed, Muhammad (2003). Islam: Questions and Answers - Islamic History and Biography. MSA Publication Limited. p. 12. ISBN 1861793235. http://books.google.com/?id=k22YCjWjF60C&pg=PA14&dq=Al-Masjid+Al-Aqsa.
  9. ^ Sunarto, Achmad (2002). Terjemah Hadits Shahih Muslim, Penerbit Hussaini, Bandung. Hlm. 246.
  10. ^ Masjid al-Aqsa: Second house of prayer established on Earth World Press.
  11. ^ a b Tabatabae, Sayyid Mohammad Hosayn. AL-MIZAN:AN EXEGESIS OF THE QUR'AN, translation by S. Saeed Rizvi. WOFIS. ISBN 9646521142. http://www.almizan.org/Tafseer/Volume2/Baqarah32.asp.[pranala nonaktif]
  12. ^ Sahih Muslim, 1:309
  13. ^ [Qur'an 17:1]
  14. ^ Hillenbrand, R "Masdjid. I. In the central Islamic lands". Encyclopaedia of Islam Online. Ed. P.J. Bearman, Th. Bianquis, C.E. Bosworth, E. van Donzel and W.P. Heinrichs. Brill Academic Publishers. Cithakan:ISSN. 
  15. ^ [Qur'an 17:7]
  16. ^ Busse, Heribert. (1991). Jerusalem in the Story of prophet Muhammad's Night Journey and Ascension. Jerusalem Studies in Arabic and Islam, 14 pp.1–40
  17. ^ Robinson, Neal. (1996). Discovering The Qur'ân: A Contemporary Approach To A Veiled Text. SCM Press Ltd: London, p.192
  18. ^ (HR. Ibnu Majah).
  19. ^ Virtues of al-Aqsa Friends of Al-Aqsa.
  20. ^ Hadith of Imam Ahmad and Ibnu Majah
  21. ^ Baiquni, Umairul Ahbab, Achmad Sunarto (1996). Terjemah Hadits Shahih Bukhari, Penerbit Husaini, Bandung. Hlm. 293.
  22. ^ Allen, Edgar (2004). States, Nations, and Borders: The Ethics of Making Boundaries. Cambridge University Press. ISBN 0521525756. http://books.google.com/?id=bntCSupRlO4C&pg=PA192&dq=Al-Masjid+Al-Aqsa. Retrieved 9 June 2008
  23. ^ a b c Mosaad, Mohamed. Bayt al-Maqdis: An Islamic Perspective pp.3–8
  24. ^ Aiman, Abu (2007). Rahasia Di Balik Penggalian Al-Aqsha. PT. Cahaya Insan Suci. Cet. I. Hlm. 67. ISBN 979-1238-54-0. Diakses 6 Agustus 2010.
  25. ^ The Furthest Mosque, The History of Al-Aqsa Mosque From Earliest Times Mustaqim Islamic Art & Literature. 5 Januari 2008.
  26. ^ el-Khatib, Abdallah (1 May 2001). "Jerusalem in the Qur'ān" (Abstract). British Journal of Middle Eastern Studies 28 (1): 25–53. doi:10.1080/13530190120034549. http://taylorandfrancis.metapress.com/openurl.asp?genre=article&issn=1353-0194&volume=28&issue=1&spage=25. Retrieved 17 November 2006.
  27. ^ Talhami, Ghada Hashem (February 2000). "The Modern History of Islamic Jerusalem: Academic Myths and Propaganda". Middle East Policy Journal. Blackwell Publishing. ISSN 1061-1924. http://www.mepc.org/journal_vol7/0002_talhami.asp. Retrieved 17 November 2006.
  28. ^ Silverman, Jonathan (May 6, 2005). "The opposite of holiness". http://www.ynetnews.com/articles/0,7340,L-3095122,00.html. Retrieved 17 November 2006.
  29. ^ Doninger, Wendy (1 September 1999). Merriam-Webster's Encyclopedia of World Religions. Merriam-Webster. p. 70. ISBN 0-877-79044-2.
  30. ^ Baiquni, Umairul Ahbab, Achmad Sunarto (1996). Terjemah Hadits Shahih Bukhari, Penerbit Husaini, Bandung. Hlm. 590.
  31. ^ "Resolution No. 2/2-IS". Second Islamic Summit Conference. Organisation of the Islamic Conference. 24 February 1974. http://www.oic-oci.org/english/conf/is/2/2nd-is-sum.htm#2. Retrieved 17 November 2006.

Deleng uga[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Masjid_Al_Aqsa&oldid=876220"