Krajan Pangjalu

Pangjalu, Kadiri [[Karajan Kahuripan|←]] 1045 – 1221 [[Karajan Singhasari|→]] Pangjalu lan Janggala, ing tembé nggabung dadi Karajan Kadiri Ibu kutha Daha utawa Kadiri (saiki Kutha Kedhiri) Basa Jawa Kuna, Sangskreta Agama Kejawen, Hindhu, Buddha, Animisme Pamaréntahan Karajan Raja  - 1104–1115 Jayawarsa  - 1200–1222 Kertajaya Sajarah  - Airlangga mecah karajané dadi Pangjalu lan Janggala 1045  - Ken Angrok saka Tumapel ngalahaké Kertajaya 1221 Valuta Koin mas lan perak lokal

Karajan Pangjalu utawa kadhang disebut karajan Kadiri utawa karajan Daha, iku salahsijining pecahan saka karajan Kahuripan seliyane karajan Jenggala. Karajan iki anane ing sisih kidul Jenggala lan ora nduwe garis pantai. Karajan iki brasil tumbuh dadi karajan sing gedhe, wilayah pengaruhe nganti ing pantai-pantai Kalimantan uga Ternate. Karajan sedulure yaiku Jenggala uga dikuasai yaiku wektu pemerentahan raja Kameswara sing mrentah wiwit taun 1116 M nganti 1136 M liwat perkawinan antara Kameswara sing wektu iku esih dadi putra mahkota karo Dewi Kirana putri saka Jenggala.

Ibukutha karajan Pangjalu iku ing Daha.

Sumber sajarah

Sumber sajarah karajan iki ana ing prasasti:

• Prasasti Banjaran
• Prasasti Hantang

Seliyane iku uga ana kitab-kitab saka Cinten sing nyritaake karajan iki yaiku:

• Kitab Ling-mai-tai-ta sing ditulis dening Cho-ku-Fei tahun 1178 M
• Kitab Chu-Fan-Chi sing ditulis dening Chau-Ju-Kua tahun 1225 M

Sumber sajarah liya yaiku saka karya-karya sastra sing ditulis ing jaman Kadiri.

Seni lan sastra

• Kakawin Smaradahana ditulis ing jaman Kadiri iki dening Mpu Dharmaja
• Kakawin Bharatayuddha digubah dening Mpu Sedah lan Mpu Panuluh.
• Kakawin Hariwangsa lan Kakawin Gathotkacasraya ditulis dening Mpu Panuluh
• Kakawin Lubdaka lan Kakawin Wertasancaya ditulis dening Mpu Tan Akung
• Kakawin Kresnayana ditulis dening Mpu Triguna
• Kakawin Sumanasantaka ditulis dening Mpu Monaguna

Kadiri ambruk

Akeh sing dadi faktor penyabab Karajan Pangjalu ambruk, antarane:

• gaya pemerentahan Prabu Kertajaya sing kurang didukung rakyat
• pergolakan politik ing dhaerah-dhaerah kayatha ing dhaerah Tumapel (cedhak Malang)
• kultus individu rajane sing nyebabake para Pandita Brahmana marah

Pergolakan politik ing Tumapel akhire nyebabake karajan Kediri dikuasai Ken Angrok sing lantes mbangun karajan Singhasari ing wilayah karajan Pangjalu, status Pangjalu dadi karajan bawahan.

Kerajaan Pangjalu Jilid II

Kerajaan Pangjalu (jilid II) iki kelanjutan saka karajan Kadiri sing dadi bawahan karajan Singhasari lan dipimpin dening Jayakatwang.

Ing taun 1292 M, salahsijining katurunan kraton Pangjalu yaiku Jayakatwang brasil mbalik ngrebut kekuasaan neng Singhasari, Jayakatwang lantes mbangun maneh karajan Kediri (jilid II). Ing taun 1293 Karajan Kadiri pimpinan Jayakatwang iki akhire direbut maneh dening katurunan kraton Singhasari yaiku Raden Wijaya.

Karajan Kahuripan > Karajan Pangjalu > Karajan Singhasari > Karajan Pangjalu (Jayakatwang) > Karajan Majapahit

Krajan ing Jawa
0-600 (Hindu-Buddha Mataram Kuna): Salakanagara | Tarumanagara | Galuh | Sundha | Kalingga | Kanjuruhan 600-1500 (Hindu-Buddha): Mataram Kuna, Medhang, Kahuripan, Janggala, Pangjalu, Singhasari, Majapahit, Pajajaran, Blambangan 1500-saiki (Islam): Demak, Pajang, Banten, Cirebon, Sumedang Larang, Mataram Enggal, Yogyakarta, Surakarta, Mangkunagaran, Pakualaman