Basa Jawa Kuna

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bhāṣa Jawa, Bhāṣa Kawi
Dipituturaké ing: Jawa, Madura, Bali
Kapunahan Owah dadi basa Jawa Tengahan ing abad kaping-13
Rumpun Basa
Klasifikasi:
basa Austronesia

 basa Melayu-Polinesia
  basa Melayu-Polinesia Kulon
   basa Sundik
    Basa Jawa Kuna

Status Resmi
basa mati
Kode Basa
ISO 639-1 ...
ISO 639-2 ...
SIL ...

Basa Jawa Kuna (krama Basa Jawi Kina) iku basa Jawa sing dipigunakaké wiwit kurang luwih abad kaping 9 nganti abad kaping 14. Basa Jawa Kuna kahanané isih bisa disinaoni jaman saiki amerga nalika iku basa iki wis ditulis.Basa Jawa Kuna akèh pengaruh saka tembung Sansekerta. Akèh paninggalan prasasti lan karya sastra sing ditemokaké. Yèn prasasti-prasasti iki biasané ditulis ing watu utawa tembaga mawa aksara Jawa Kuna. Nanging yèn karya sastra biasané diawètaké ing Bali lan Lombok mawa naskah rontal, senadyan uga ana naskah Jawa Kuna saka Jawa dhéwé, Tatar Sundha, lan Madura.

Conto basa Jawa Kuna[sunting | sunting sumber]

  • Kunang kacaritanikanang amawa phalaning jambu, sânak ikang nāga Takṣaka tumutur sakêng pātāla, ikang Takṣaka munggwing sunguting jambu. Ikang brāhmana mamawa jambu, ri huwusing jambu kawwat, mangunyakěn wedaśānti mangastungkārājaya-jaya mantra.
Jarwa

'*Déne caritané sing nggawa woh jambu, seduluré naga Taksaka, mèlu saka ing dhasaring bumi, si Taksaka dumunung ing sunguting jambu. Sang Brahmana ngasta jambu, ing sawisé jambuné kaatur, ngunèkaké pepujèn wéda, memuji slamet lan unggul mantra.

Prabédan antara basa Jawa Kuna lan basa Kawi[sunting | sunting sumber]

Basa Kawi iku basa kasusastran. Basa iki bisa adhedhasar basa Jawa Kuna, nging durung temtu.

Sumber[sunting | sunting sumber]

  • W.J.S. Poerwadarminta. 1953. Sarining Paramasastra Djawa. Djakarta: Noordhoff-Kolff
  • Marsono. 2011. Morfologi-Bahasa Indonesia dan Nusantara. Yogyakarta: Gadjah Mada University Press
Sumber artikel punika saking kaca situs web: "http://jv.wikipedia.org/w/index.php?title=Basa_Jawa_Kuna&oldid=819918"