Candhi Plaosan

Salah sawijining candhi Buda kembar utama Plaosan Lor, ing Kacamatan Prambanan, Klaten, Jawa Tengah saka dinasti Sailendra abad ke-9 jaman Karajan Mataram Kuno.

Candhi Plaosan ya iku sebutan kanggo komplèks candhi kang manggon ing Dukuh Plaosan, Désa Bugisan, Kacamatan Prambanan, Kabupatèn Klathèn, Provinsi Jawa Tengah, Indonésia. Candhi iki kira-kira 1 kilomèter menyang arah timur-laut saka Candhi Sewu atawa Candhi Prambanan. Onone kemuncak stupa, arca Buda, saha candhi-candhi perwara (pendamping/kecil) kang bentukané stupa nandaaké manawa candhi-candhi mau kagolong candhi Buda. Komplèks iki dibangun abad ke-9 déning Raja Rakai Pikatan lan Sri Kahulunan ing jaman Karajan Medang, utawa saha dikenal kanthi jeneng Karajan Mataram Kuno, kanggo bukti katresnanan Rakai Pitakan marang Pramudya Wardhani. .

Candhi Plaosan iki duwé kaunikan dibandingake candhi liyanè, kaya ta: kaloro candhi kang kembar lan dasaran èmper kang alus. Candhi iki uga ana figur Vajrapani, Amitbha, lan Prajnaparamitha . saliyané iki, emper candhi Plaosan luwih alus manawa dibandingake karo candhi-candhi liya kang dibangun ing masa kang pada. Hal mau salajenge munculake anggapan Candhi Plaosan biyèn difungsiake kanggo papan penyimpanan naskah-naskah kanonik gone para Pendeta Buda.

Candhi Plaosan Lor

Candhi Plaosan Lor kang dumunung ing sisih lor wétan Candhi Prambanan

Candhi Plaosan Lor nduwè 2 candhi utama kang dhuwur è 21 mèter. Dawané témbok sing nglilingi candhi iku 50 mèter lan ambané 14 mèter.Ing témbok iku ana gambar Bodhisattva, Kinnara lan dewi-dewi.

Candhi Plaosan Kidul

Candhi Plaosan Kidul kang ono ing sisih sabrang dalan Candhi Plaosan Lor

Candhi Plaosan Kidul ana ing sak kidulè Candhi Plaosan Lor, kapisah saka dalan gedhè. Candhi utama ing candhi Plaosan Kidul iki namung sisa runtuhanè. sing isih ngadheg namung candhi perwara.

Uga delengen

• Candhi Sewu
• Candhi Prambanan

Lokasi

• Nganggo Wikimapia lokasi Candhi Plaosan Lor ya iku: Wikimapia,
• lokasi Candhi Plaosan Kidul ya iku: WIkimapia; Candhi Plaosan Kidul.

Pranala njaba

Candhi Plaosan