Candhi Pawon
Candhi Pawon iku candhi kang manggon ing antarané Candhi Barabudhur lan Candhi Mendut. Yaiku, 1750 mèter saka Barabudhur lan 1150 meter saka Candhi Mendut. Candhi iki wiwit dipugar ing tahun 1903. Durung ana sing bisa mesthekake ngapa kok jenengé Pawon.
J.G. de Casparis ngira-ira yèn Pawon iku saka basa Jawa Awu lan éntuk ater-ater (awalan) pa lan panambang (akhiran) an kang ngrujuk teges panggonan awu. Mula saka kuwi, arkeolog iki nganggep candhi iki mbiyèné kanggo ngobong jisim (mayit) dadi awu. Yèn dideleng saka panggonané, candhi iki ana ing désa Brojonalan (Brajanalan) kang bisa dirujuk ing basa Sansekerta vajra kang tegesé bledhèg lan anala sing artiné geni.
Ing njero candhi ora ditemokaké reca. Sing bisa digatekaké ing candhi iki yaiku ukiran-ukirané. Ing tembok njaba ana relief wit Kalpataru kang diapit pundhi-pundhi lan kinara-kinari (makhluk kahyangan, sirahé manungsa awaké manuk).
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
|
|||||||
Candhi Pawon
