Karajan Medhang

Titik abang pusat karajan Medang

Krajan Medhang iki terusané saka karajan Mataram Kuna sing pindah ing Jawa Wetan. Umumé para ahli sajarah isih nyebut kanthi "Mataram Kuna jaman Jawa Wétan" utawa "Mataram Kuna jaman Tawlang-Kahuripan" Karajan iki dipréntah déning wangsa Isyana sing dibangun déning Mpu Sindhok taun 929 M. Kutharaja karajan anyar iki ing Watugaluh yaiku laladan ing pinggir kali Brantas kira-kira ing Kabupaten Jombang saiki.

Sebutan Medhang

Miturut Slamet Muljana, sebutan Medhang iku sebutan kang uga wis digunakaké ing jaman Mataram Kuna. Slamet nduwé panemu, krajan sing dipandhégani déning Sanjaya iku jenengé Krajan Medhang. Déné, sebutan "Mataram" iku jeneng kutharaja. Mataram iku jeneng panggonan sing didadèkaké kutharaja jaman Rakai Pikatan.

Wangsa Isyana

Ing jaman awal krajan iki madeg, Mpu Sindhok dadi pimpinan sisa-sisa prajurit Mataram kuna kanggo nahan gempuran saka karajan Sriwijaya. Ing prayudan iki, Mpu Sindhok disengkuyung déning para kawula, mulané ing taun 937 M, Mpu Sindhok gawé prasasti Jaya Stamba (kadhang diarani prasasti Anjuk Ladang) kanggo ngucapke pambanggyo kanggo rakyaté uga mbangun candhi Lor kanggo mèngeti ungguling prayudan.

Kanggo mlakokaké pamaréntahan, Mpu Sindhok diréwangi garwa-garwa, yaiku Rakryan Sri Parameswari Sri Wardhani Pu Kbi lan Rakryan Mangibil, iki kecathet ing prasasti Bakalan sing digawé taun 934 M. Kanggo ngatur wewenang pejabat-pejabat karajan uga diatur dening Mpu Sindhok lan iki katulis ing prasasti Turyyan ing taun 929 M.

Karya Sastra

Karya sastra sing ditulis ing jaman iki antarané:

• Kitab Sang Hyang Kamahayanikan
• Kitab Brahmandhapuruna

Panguwasa karajan Medhang

• Mpu Sindhok (929-947)
• Sri Isyana Tunggawijaya
• Sri Makutawangsawardhana
• Dharmawangsa (985-1006)

Karajan Medhang ambruk

Ing taun 1006, karajan iki diserang karajan Sriwijaya, istana Watugaluh ambruk lan raja Dharmawangsa séda. Kaluwarga kraton sing slamet antarané ponakan Dharmawangsa yaiku Airlangga (putra Mahéndradatta utawa putu Sri Makutawangsawardhana).

Taun 1019 M, Airlangga ngedegaké karajan anyar yaiku karajan Kahuripan.

Karajan Mataram Kuna > Karajan Medhang > Karajan Kahuripan

Krajan ing Jawa
0-600 (Hindu-Buddha Mataram Kuna): Salakanagara | Tarumanagara | Galuh | Sundha | Kalingga | Kanjuruhan 600-1500 (Hindu-Buddha): Mataram Kuna, Medhang, Kahuripan, Janggala, Pangjalu, Singhasari, Majapahit, Pajajaran, Blambangan 1500-saiki (Islam): Demak, Pajang, Banten, Cirebon, Sumedang Larang, Mataram Enggal, Yogyakarta, Surakarta, Mangkunagaran, Pakualaman